GMN TV Politika Fornese kombustível ba sentru elétrika rua, Governu estende kontratu ETO-Sacom Energy

Fornese kombustível ba sentru elétrika rua, Governu estende kontratu ETO-Sacom Energy

2 views

Reuniaun Extraordinariu Konsellu Ministru, Segunda (14/1/19), aprova estende kontratu ho kompañia Esperansa Timor Oan (ETO) no Sacom Energy  hodi fornese kombustível ba sentru eletrika Hera no Betano.

Kontratu entre kompañia Esperansa Timor Oan (ETO) no Sacom Energy tuir lolos sei remata iha fulan Marsu, maibe konsellu ministru deside aumenta tan to’o fulan Setembru, tinan 2019.

Ministru Obras Publika, Salvador Eugénio Soares dos Reis Pires, hatete kontratu entre kompañia ETO ho Sacom Energy  ho Governu sei remata iha fulan Marsu tinan ne’e no oitavu Governu planeia ona atu loke konkursu foun ba kompañia sira, maibe relasiona ho Orsamentu Jeral Estadu tinan 2019, ne’ebe seidauk hetan promulgasaun husi Prezidente Republika Francisco Guterres Lu Olo,.

Razaun Governu ekstende kontratu kompañia ETO ho Sacom Energy, atu garante fornesementu energia eletricidade ba teritório Timor laran tomak, hodi hein promulgasaun Orsamentu Jeral Estadu tinan ne’e.

“Ohin hau aprezenta ba konsellu ministru atu hare kestaun ba halo ekstensaun ba kontratu ne’ebe mak iha hela agora dadauk kontratu ETO ho Sacom Energy ne’ebe nia kontratu atu remata iha fulan Marsu, tinan 2019 agora ne’e ,entaun atu asegura kontinuasaun fornesementu konbustível ba sentru Hera ho Betano, Ita presiza emenda kontratu ekstende ho montante litru ne’ebe sira atu fornese durante fulan Marsu”, dehan Governante.

Salvador Pires dehan, “Ami koalia mos ekstende tan sira nia kontratu ,tamba atu loke konkursu foun ita presija iha kabamentu orsamentu iha OJE ne’ebe ita tau tiha ona ,maibe sei hein hela promulgasaun Prezidente Republika Francisco Guterres Lú-Olo, nian atu nune’e ita bele loke tederizasaun foun entaun ami antisipa hela”.

Normalmente tipu de kontratu ba atu halo espekulasaun ba konbustível ba sentral eletrika Hera ho Betano nian ne’e, tamba kategoria ICB international Compotition Biten tender ne’e presiza fulan 6 para atu halo preparasaun hodi halo  prosesu para atu hetan fornesedor foun.

Iha Kurta-feira ne’e konsellu ministru ho Ministeriu Obras Públika sei deside hodi halo rezolusaun justifikasaun legal.

Tuir kalkulasaun husi husi Eletrisidade Timor-Leste-EDTL katak, presiza mina litru 65 Milhões atu asegura to’o fulan Setembru tinan 2019.tos


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker