GMN TV Politika FRETILIN la marka prezensa iha reapresiasaun LAP "Arão Noe:Diak hela tanba la ezije dois terços

FRETILIN la marka prezensa iha reapresiasaun LAP "Arão Noe:Diak hela tanba la ezije dois terços

0 views

Bankada opozisaun Frente Revolucionario do Timor-Leste Independente (FRETILIN), Kinta (10/01) ne’e, la marka prezensa iha plenária konfirmasaun ba reapresiasaun ba Lei Atividade Petrolíferu (LAP), ne’ebé antes ne’e Prezidenti Repúblika (PR), Francisco Guterres ‘Lú Olo’ veta.

Ho nune’e Xefi Órgaun Lejislativa, Arão Noe hateten, deputadu sira atu partisipa ka la partisipa ne’e la importante, maibé importante maka meja haree sé priense kriteriu legal rejimentu no konstituisaun, Parlamentu Nasional (PN) tenki kontinua hala’o nia kna’ar hanesan órgaun soberanu ida.

 “Tuir ami nia interpretasaun ami kumpri artigu 88 no 2, alinea 2, ami halo tiha reapresiasaun ona, haruka fila-fali ba ne’e laiha impaktu”, Arão Noe ba jornalista sira iha PN, hafoin aprova votus konfirmasaun ba LAP ne’ebé antes PR veta, Kinta (10-01-2019).

Nia esplika, interpretasaun ne’ebé eziji dois terços ne’e laloos, maibé ezije dois tercos ba deputadu ne’ebé marka prezensa, nune’e votus maioria kualifikada katak 50 mais 1,  ne’e la presiza tenki 43 votus.

Entretantu bainhira jornalista halo konfirmasaun ho bankada FRETILIN kona-bá asuntu sira la marka prezensa iha debate LAP ne’e, bankada FRETILIN lakohi fó komentariu, maibé bankada fahe de’it komunikadu imprensa ne’ebé hateten, razaun bankada sira la marka prezensa ne’e,tanba konsidera proposta alterasaun lei númeru 13/2005 viola konstituisaun no mós lei internasional kona-bá tratadu internasional.

“Tanba bainhira tratadu fronteira Maritima ne’e Timor leste ho Australia seidauk ratifika, tratadu ida ne’e seidauk veicula no altersaun lei ida ne’e mós fó ameasa ba transparansia iha industria estrativa no sétor petroliferu”, haktuir komunikadu husi bankada FRETILIN ne’e.

Tuir komunikadu ne’e mós hateten katak, bankada FRETILIN foti desizaun la partisipa iha sesaun ba konfirmasaun altersaun LAP, hodi prense quórum tuir ezijensia husi artigu 88, alina 3, konstituisaun RDTL. ety


Banner

Foto

Notisia Ikus

Projetu-Lei Responsabilidade PR inkonstitusionál, PN la konkorda desizaun TR

June 29, 2022
Prezidente Komisaun A, Deputadu Joaquim dos Sant...

FRETILIN: Palásiu Prezidensiál la’ós bazár ba negosiante ai-leba sira fa’an ai-fuan

June 29, 2022
Deputadu Bankada Parlamentár FRETILIN, Fabião ...

PR Horta veta Lei Responsabilidade Prezidente Repúblika

June 28, 2022
Prezidente Repúblika (PR), José Ramos Horta, v...

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker