GMN TV Politika FRETILIN lamenta Xanana insulta PR Lú Olo

FRETILIN lamenta Xanana insulta PR Lú Olo

0 views

Bankada Frente Revolucionário do Timor-Leste Independente (FRETILIN) preokupadu no lamentavel teb-tebes ho deklarasaun maun boot Kay Rala Xanana Gusmão, ne’ebé insulta Prezidenti Repúblika (PR), Francisco Guterres Lú Olo hafoin fila husi estranjeiru, iha loron Sabádu (26/01), iha aeroportu internasionál Nicolau Lobato, Comoro-Díli.

Entretantu deklarasaun husi reprezentante espesiál VIII Governu, Kay Rala Xanana Gusmão ninian ne’e fó sai relasiona ho desizaun Xefi Estadu veta Orsamentu Jeral Estadu (OJE), tinan 2019.

“Ita-nia figura istórika, pessoa eminente Kay Rala Xanana Gusmão uza liafuan ne’ebé ita hotu nunka bele admiti atu uza hasoru sé de’it, tanba viola normas bázikas desénsia nian, deklarasaun sira ne’e desrespeitosa  hasoru ema sé de’it, liu-liu hasoru Xefi Estadu ou Komandante Supremu forsa armada ninian no aman ba nasaun”, Vise Xefi bankada FRETILIN, Francisco Miranda Branco ba jornalista sira liu husi konferénsia imprensa, iha bankada FRETILIN, Tersa (29-01-2019).

Nia esplika, tuir loloos lidér nasaun sira tenki hatudu exemplu ne’ebé di’ak, ka’er kultura no lisan hanesan povu Timor-Leste, hodi eduka sosiedade, lidér polítiku no joven sira para aban-bain-rua halo buat ne’ebé di’ak ba futuru nasaun ninian.

“PR ne’e símbolu nasaun no garante ba ita-nia independénsia nasionál, unidade Estadu nian no ba funsionamentu regulár ita-nia instituisaun demokrátika, nune’e PR Lú Olo haruka fila OJE 2019 ba Parlamentu Nasional (PN) atu halo reapresiasaun, PR mós fó ninia rekomendasaun ba PN atu konsidera, maibé ami rekoñese katak la’ós ema hotu-hotu konkorda ho PR Lú Olo nia desizaun”,haktuir Vise Xefi bankada FRETILIN ne’e.

Nia afirma, bankada FRETILIN hanesan parte integrante ida husi órgaun  soberánia Estadu senti lamentavel teb-tebes ho deklarasaun maun boot Xanana Gusmão ninian no bankada FRETILIN defende Xefi Estadu nia fiar katak, povu Timor-Leste tomak la admiti atu hatán ba malu ho maneira ida hanesan ne’e.

“Agora, kna’ar nu’udar deputadu iha uma fukun PN maka oinsa uza mandatu konstitusionál atu responde ba vetu prezidensiál ida ne’e. Oinsá  atravesa desizaun ida ne’e, depende ba  vontade atu servisu hamutuk no tau duni interese nasionál ás liu interese pesoal no grupu, polítika ne’ebé di’ak, tenki halo ho baze iha moralidade no respeitu”, informa Francisco Branco.

PR Lú Olo veta dekretu PN númeru 4/V-OJE 2019,  iha loron 23, fulan ida ne’e, tanba konsidera OJE 2019 hamenus liu tán sustentatibilidade, la hatuir konstituisaun no lei estruturante sira,  dezekilíbriu orsamentál ás teb-tebes no laiha polítika alternativa.

Iha deklarasaun Kay Rala Xanana Gusmão nian foin lalais katak, Prezidenti Repúblika (PR), Francisco Guterres ‘Lu Olo’ ne’ebé veta ona Orsamentu  Jeral Estadu (OJE) tinan 2019 ho montante billiaun USD 2.1, hatudu nia laiha rasiosíniu lójika.

“Oooh  Prezidenti veta tiha ona orsamentu? ooh ne’e ka ? nia dehan saida? atu diálogu? ooo la iha diálogu, nia beikten, agora ha’u le’e tiha nia justifikasaun buat sira ne’e hotu la presiza, asal bunyi, hatudu dehan hatene, maibe afinal rasiosíniu lójika la iha liu, tanba ne’e mak ha’u dalaruma hanoin katak, keta Sarjana supermie karik. Diálogu la presiza, nia hatene katak, nia rasiosíniu laiha, sarjana supermie, sarjana supermie”, dehan Xanana Gusmão hafoin fila husi estranjeiru ho Aviaun Sriwijaya Air, Sabadu (26-01-2019), iha Aeroportu Internasionál Nicolau Lobato, Comoro, Díli.ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker