GMN TV Politika Fronteira tasi no rai-maran rezolvidu, TL bele ezerse nia soberania nu’udar Estadu independente

Fronteira tasi no rai-maran rezolvidu, TL bele ezerse nia soberania nu’udar Estadu independente

Prezidenti Repúblika (PR), Francisco Guterres ‘Lú Olo’, hateten, bainhira fronteira tasi no rai-maran Timor-Leste (TL) nian rezolvidu hotu ona mak foin bele ezerse nia soberania nu’udar Estadu Independente ida.

Hafoin luta durante períodu naruk no susar ida atu ukun-an, ita Timoroan bele sente hikas orgullu tanba ita-nia soberania nasionál no Estadu nia autoridade ba tasi, hetan ona rekoñesimentu, tuir direitu internasionál.

Ne’ebé liu husi dalan-hakmatek, bainhira Timor-Leste asina akordu harii fronteira-tasi permanente ho nasaun viziñu Austrália.

Akordu ida ne’e loke liután dalan ba Timor-Leste no Indonesia hatutan negosiasaun no harii loloos fronteira tasi no rai-maran nian entre rai  rua ne’e.

Ho nune’e, Prezidenti Repúblika (PR), Francisco Guterres Lú Olo hateten, bainhira fronteira tasi no rai maran Timor Leste nian rezolvidu hotu ona mak foin bele ezerse nia soberania nudar Estadu Independente.

“Bainhira ita iha ona fronteira hotu-hotu loos ona, ita-bele ezerse ita-nia soberania nu’udar Estadu independente ida,” deklara, Xefe Estadu Lú Olo, liu husi deskursu iha komemorasaun Aniversáriu Komponente Navál FALINTIL-FDTL ba dala 17, ne’ebé realiza iha Baze Navál Hera, Sabadu (12 /01/ 2019).

Komandante Supremu Forsas Armadas ne’e, aprofunda liutan Bainhira ita-nia fronteira-tasi ho Austrália hatuur loos  ona,  Timor-Leste bele tama mós ba Programa Seguransa Marítima Pasífiku nian ne'ebé promove husi Governu Austrália liuhusi doasaun ró-patrulla husi Austrália ba ita,  iha tinan 2023.

Hodi haforsa ita-nia kapasidade fiskalizasaun ba fronteira no vijilánsia ba tasi.

Opurtunidade ne’e mos, Prezidenti Repúblika Francisco Guterres Lú Olo hakarak mós bolu militár sira-nia atensaun katak importante tau matan ba natureza atu ita bele moris nafatin iha ambiente saudável.

“Proteje natureza sai mós kompromisu ida  ba ha’u, ne’ebé ha’u fó-sai iha loron tomada de pose, nu’udar Prezidente Repúblika,” haktuir, Xefe Estadu Lú Olo.

Ne’ebé sei kuda simbolikamente ai-oan sanulu no iha tinan balun nia laran, ai-hun sira ne’e sei proteje ambiente iha área ida-ne'e, ohin ka aban maluk sira sei kuda ai-oan atus rua ne'ebé fornese husi Ministériu Agrikultura no Peskas.

Komandante Supremu Forsas Armadas ne’e husu ba militar Componente Navál bele kuda iha ne'e ka iha imi-nia kintál no husu ba maluk sira atu tau matan ba ai-oan sira ne’e.

Atu nune’e sira bele moris no fó benefísiu ne’ebé ita hein iha tempu tuirmai.

“Ha’u rekoñese katak ita sei lori tempu naruk atu haburas Mariña ida-ne’ebé ita hotu presiza no hakarak,” esperansa, Komandante Supremu Forsas Armadas ne’e.

Nune'e ho votu esperansa iha futuru mak nu’ udar imi-nia Komandante Supremu,  apela ba imi hotu atu kontinua serve nafatin ita-nia Pátria, hanesan imi halo durante ita-nia luta libertasaun nasionál.  Eus

 


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker