Deputadu Partidu Demokratiku (PD), Adriano do Nascimento, preokupa ho Governu liu husi Ministériu Obras Publikas (MOP) iha tinan 2018 seidauk halo pagamentu.
Adriano dehan, emprezáriu barak mak lamenta tebes maske servisu halo tuir kontratu, maibé bainhira hatama dokumentos sira ne’ebé husu governu atu halo pagamento,to’o agora governu seidauk halo pagamento.
“Ha’u foti ida ne’e emprezario lubun ida ne’ebé kestiona sira tama ona dokumentos kompleto husu pedidu pagamentu maibe to’o tama ona 2019 seidauk selu, tanba ne’e husu ba ministétrio kompetente governu atu konsidera halo ona pagamento, OJE 2018 ita aprova atu selu emprezario sira finaliza ona obra hanesan tuir Ministério obras publikas (MOK) projetu 45 mak seidauk iha kontratu, seluk iha ona kontratu” hateten deputadu adriano liu husi plenária iha Parlamento Nasional (PN) Segunda (7/1/19).
Adriano esplika, emprezáriu sira hatama ona dokumentu kompletu, tanba saida mak seidauk selu hela deit, sira mós hein hela ida ne’e atu selu ba trabalhadores,ba banku no selu ba sasan ne’ebé kompañia aluga.
“Se Governu la selu tama ona tinan 2019, Ha’u hanoin ida ne’e prejudika tebes servisu husi setor pribadu liu liu estadu nia hanoin atu promove setor pribadu ne’e bele hamate sira nia moris”,tenik Adriano.
Entretantu projetu hirak ne’ebé maka governu sei selu ho orsamentu jeral tinan 2018 hamutuk 143 kompostu husi projetu edifísiu, ponte, estrada no sira seluk tan.ety
