GMN TV Politika La presiza dois terços, Tilman: Konstitusionalista Bacelar bosok

La presiza dois terços, Tilman: Konstitusionalista Bacelar bosok

0 views

Jurista Timor-Oan Manuel Tilman konsidera, opiniaun husi konstitusionalista Português, Pedro Bacelar de Vasconcelos bosok relasiona ho ninia opiniaun katak, proposta Orsamentu Jeral Estadu (OJE) 2019 ne’ebé veto husi Prezidenti Repúblika (PR), Francisco Guterres ‘Lú Olo’, la presiza prezensa deputadu sira iha reapresiasaun OJE 2019 liu dois terços, tanba tuir nia presiza de’it maioria simples husi deputadu sira, hodi ultrapasa PR ninia desizaun vetu refere.

“Anotasaun konstituisaun Timor-Leste númeru hát (4) kona-bá artigu 88 ne’ebé hakerek duni husi Pedro Bacelar de Vasconcelos prevé situasaun rua (2), primeiru husi konstituisaun artigu 88, númeru rua (2) katak, ba lei ne’ebé la versa sobre materia fiskál no orsamentál no pontu segundu husi konstituisaun artigu 88, númeru tolu (3) ezije maioria dois terços husi deputadu prezenti hodi konfirma diploma ne’ebé ko’alia kona-bá asuntu fiskais no rejimi orsamentál no ida ne’e maka dau-daun ne’e ita hasoru no tenki halo tuir konstituisaun artigu 88, númeru tolu (3), tanba PR veto rejimi orsamentál, tanba ne’e ha’u la dehan profesor, Pedro bosok ten, maibé dalaruma nia bosok, tanba nia hakerek iha konstituisaun anotada oin seluk no nia fó opiniaun fora fali husi buat ne’ebé nia hakerek”,Manuel Tilman ba GMN iha ninia kna’ar fatin, Praia dos Coqueiros-Díli, Kuarta (30-01-2019).

Tuir jurista Timor-Oan ne’e hateten, tenki hakat duni dois terços, tanba PR veta OJE 2019 ne’e tuir konstituisaun artigu 95, nune’e atu halo reapresiasaun, iha mós regra tuir konstituisaun artigu 88, númeru tolu (3) katak, tenki liu dois terços.

“Tuir konstituisaun anotada, ne’ebé profesor Pedro hakerek iha númeru hát (4) katak, em relasaun ho matéria fiskál no orsamentál ne’ebé prevé iha artigu 95, tenki aplika liu husi dois terços tuir artigu 88, númeru tolu (3), maibé mala’e ne’e hakerek oin seluk no iha entrevista hateten fali buat seluk, karik opiniaun ne’e tuir nia dispozisaun ka bazeia ba matéria ne’ebé konstituisaun hateten no ha’u hakarak fó serteza katak, artigu 88, númeru tolu (3) ne’e eziji maioria dois terços deputadu prezenti, ne’ebé regula kona-bá matéria fiskál no rejimi orsamentál, tanba ne’e haruka malae ne’e ba lee uluk lai saida maka nia hakerek, depois maka fó opiniaun”, haktuir Manuel Tilman.

Nia esplika, deputadu sira tenki maioria absoluta iha reapresiasaun kona-bá OJE 2019, maibé karik iha reapresiasaun maka la liu husi dois terços hanesan profesor Pedro hateten, ho de’it maioria simples maka haruka ba PR iha serteza katak, PR sei veta konstitusional dala ida tan, hodi haruka fali ba Tribunal Rekursu (TR) maka desidi.

“Tanba veta konstitusional signifika la tuir konstituisaun artigu 88 númeru tolu (3) ne’ebé dehan materia refere ba materia fiskál no orsamentál tenki maioria de dois terços, ida ne’e maka konstituisaun hakerek no nia labele promulga buat ne’ebé la tuir konstituisaun artigu 88 numeru tolu (3)”, informa Jurista Timor-Oan ne’e.

Iha sorin seluk, jurista Timor-Oan, Avelino Coelho, konsidera opiniaun Pedro Bacelar mós prevalesia, tanba ema hotu hakarak kontribui opiniaun kona-bá artigu 88 númeru rua (2) no tolu (3).

“Interpretasaun kona-bá konstituisaun artigu 88 númeru rua (2) no tolu (3) mosu, tanba depois de konstituisaun iha, lejisladór sira la halo esplikasaun kona-bá artigu balun ne’ebé sei hamosu dúvida relasiona ho artigu 88, tanba ne’e fó dalan ba ema hotu-hotu atu interpreta artigu 88, hodi hamosu opiniaun oi-oin hanesan Pedro Bacelar, quer dizer que ninia interpretasaun ne’e bele mós prevalesia, tanba ema hotu kontribui fó opiniaun kona-bá artigu 88, ne’ebé loke hela perspetiva interpretasaun, maibé no fim órgaun lejislativa maka sei hola medida relasiona ho OJE ne’ebé PR veta”,haktuir Avelino Coelho.

Nia akresenta mós katak, ema hotu sei dúvida kona-bá reapresiasaun no konfirmasaun iha Parlamentu Nasionál (PN), tanba iha artigu 88 la ko’alia klaru kona-bá reapresiasaun no konfirmasaun, maibé espera katak PN maka sei foti medida ou opiniaun ne’ebé relevante no tuir konstituisaun RDTL nian.

Entretantu tuir konstituisaun artigu 88 númeru rua (2) hateten, PN iha prazu loron 90 nia laran, konfirma karik votu tuir maioria absoluta deputadu sira-nian ne’ebé servisu hela, PR sei promulga diploma ida ne’e, iha prazu loron walu (8) nia laran, hahú husi loron ne’ebé nia simu no númeru tolu (3) hateten sei presiza maioria baluk-tolu-rua (2/3) husi deputadu sira ne’ebé prezenti no tenki liu maioria absoluta deputadu sira-ne’ebé serbisu hela, atu konfirma diploma sira-ne’ebé iha matéria artigu  95. Ita

 


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker