GMN TV Politika La simu FRETILIN halo insultu, Xanana: Ha’u la sosa USB ida ho USD 450

La simu FRETILIN halo insultu, Xanana: Ha’u la sosa USB ida ho USD 450

0 views

Reprezentante espesiál Governu ba asuntu petroleu, Kay Rala Xanana Gusmão, hatete, nia la aseita ho deputadu FRETILIN sira halo insultu ba nia hodi dehan sosa asaun ConocoPhillips ho Shell ilegal. Tanba ne’e, Xanana mos deklara sai hahalok Prezidente Rejiaun Administrativa Espesial Oecusse-Ambeno (RAEOA), Mari Alkatiri nian ne’ebé durante ne’e halo manobra ba públiku katak nia los hela deit.

Xanana Gusmão mos la konkorda no kontra maka’as ema seluk (Mari Alkatiri ho sira seluk) mak halo jestaun tiha ba sasan hotu iha Zona Espesial Ekonomia Sosial Merkadu, maibe nia mak simu kulpa fali. Xanana mos konsidera deputadu FRETILIN sira halimar liu kuandu nia halo aprezentasaun iha plenária kona ba sosa asaun ConocoPhillips no Shell ninian ba interese nasionál. Tanba ne’e, nia husu ba deputadu sira atu buka kompriende servisu saida mak nia halo ba interese povu no nasaun nian.

“La’os sees, buat ne’e tarde ona. Tanba ita ba esklarese tanbasa? Em vez de ita buka esklarese didiak, mas mai fali provoka fali ha’u, dehan buat ne’e ilegal, la iha komptensia para asina, no Governu mak asina, señor/a deputadu sira tinan 16 iha parlamentu koalia beik ten hanesan nene, mak halo  ita mos? Agora balun mai dehan ha’u asina ne’e ilegalidade, balun lakohi kompriende katak buat  ne’e di’ak ba  ita-nia ekonomia, to’o balun tau iha media sosial facebook katak,  ida ne’e fraude habosok, gasta osan ilegal, kuitadu ha’u la sosa USB ida ho dollar amerikanu 450, kiik oan ne’e deit, no lalikan ba buat barak, no Ró (Haksolok) ne’ebé sosa, dehan ha’u mak haruka fali, ha’u kulpa hela deit, ema seluk nunka. Agora mekanizmu ita sosa buat ida ita haree hotu ona, inspeksaun diak ona ita selu hotu, selu osan ba tiha ona, ne’ebé buat ne’e la illegal, ne’e diak, tanba FRETILIN mak halo”,dehan Kay Rala Xanana Gusmão ba Jornalista GMN iha Aeroportu Internasional antes atu aranka ba Abu Dhabi, Kuarta (09-01-2019).

Nia akresenta tan, agora mekanizmu atu sosa buat ida, sei haree buat hotu los ona, inspeksaun diak ona, ne’e selu hotu ona, ne’ebé buat sira ne’e la ilegal, no diak tanba FRETILIN mak halo, ba deputadu sira ne’ebé tur iha Parlamentu Nasional, atu  kompara sira koñese FRETILIN ho nia, iha valor a’as to’o 10 karik, sira koñese 1.5 deit, no nia 15.

“Dalaruma ita koalia ba, ita mak atu hanoin fali, mas la bele, sé ba atu buka hatene interese nasional, por favor kompriende, se ha’u ba sosa ro ida, tambem ita kestiona, maibe ha’u ba sosa asoens, ne’ebé osan sei fila, sei fo retornu ba fundu petroleu, ne’e mak dehan ha’u ilegal, tanba dehan ha’u la’os membru governu waooo”,realsa Xanana.

Xanana salienta liu tan, Governu asina, bele Primeiru Ministru, bele membru Governu, no bele ema  ne’ebé indika husi Primeiru Ministru, iha rezolusaun dehan hanesan ne’e.

“Ha’u la  sosa, maibe iha ne’eba dehan asina instrumentu jurídiku nesesariu para aquizasaun, la’os ha’u mak sosa, ha’u asina deit instrumentu jurídiku nesesariu atu sosa ne’e, ne’e deit, sé mak sosa, Timor GAP mak sosa, ne’ebé konfuzaun bo’ot, balun veteranu, atan oan ha’u la’os  veteranu, ha’u mos hakruk ba sira, tanba veteranu hotu iha Parlamentu Nasional tinan 16, mas ha’u la aseita mai insulta ha’u”,dehan Xanana.

Iha loron Tersa (8/1/19), Kay Rala Xanana Gusmão akompaña husi Primeiru Ministru, Taur Matan Ruak, ba hala’o aprezentasaun iha Parlamentu Nasional kona ba prosesu sosa asaun ConocoPhillips ho Shell no industria petrolífera iha tasi mane. Maibe deputadu opozisaun balun konvensidu, maibe balun kontinua dúvida.

To’o notísia ne’e hatún GMN seidauk hetan konfirmasaun ho Prezidente autoridade RAEOA, Mari Alkatiri, kona-ba sosa USB ida ho USD 450 no tanba sa Ro Haksolok seidauk bele mai Timor-Leste maske halo ona pagamentu ho osan Estadu Timor-Leste nian.Oly    


Banner

Foto

Notisia Ikus

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker