GMN TV Politika Lú Olo : OJE 2019 mai ho materia foun presiza loron 30 atu estuda

Lú Olo : OJE 2019 mai ho materia foun presiza loron 30 atu estuda

0 views

Prezidenti Repúblika, Francisco Guterres Lú Olo, hatete Orsamentu Jerál Estadu (OJE) 2019 nebe veta ona nee, Parlamentu Nasional lori fali mai ho materia foun mak konsidera hanesan lei foun, nunee presiza loron 30 atu estuda.
Xefe Estadu kolia lia hirak nee wainhira responde perguntas jornalista sira nian konaba deklarasaun Prezidente Parlamentu Nasional nebe hatete veta OJE 2019 nee PN konsidera projeitu foun.
“Ha’u hanoin ilustris deputadus sira iha ne’eba hatene diak liu, lei artigu 95 númeru (1) horbainhira aplika ba lei atividades petrolíferu ida ne’e sira envoka artigu 88 numeru 2, para atu bele prezidenti proumulga kumpri tiha,”dehan PR Lú Olo hafoin hala’o kampaña kuda ai-horis iha Area São João Paul Tasi Tolu-Dili, Sesta (25/01/2019).
Prezidenti Repúblika, esplika liutan katak, agora artigu numeru 95 numeru 2 no 3, rejimi orsamental no rejimi fiskal ninian ida ne’e kuandu veta presiza dois tersus deputado prezente iha Parlamentu Nasional atu ratifika.
Hodi atu bele konfirma haruka fila fali ba Prezidenti Republika hodi promulga ho baze juridiku artigu 88 numeru 3.
Maibe ba’inhira Orsamentu Jerál Estadu mai ho materia foun ne’e la’os ona materia ida uluk nian, sei prosesu nafatin ho prosesu ne’ebé tuir artigu 88 numeru 1 Prezidenti Republika iha loron 30 estuda no analiza antes foti desizaun, veta ka promulga.
Nune’e mos, Prezidenti Repúblika husu orsamentu ne’ebé aloka ona tenki ezekuta ba nia programa katak osan tenke hamutuk ho nia programa kedas no tenke halo fiskalizasaun diak ba ezekusaun orsamentu ne’e.
Nunee mos iha loron hanesan iha Parlamentu Nasional, lider bankada parlamentar sira deside ona atu halo re-apresiasaun ho opsaun konfirmasaun votus ou alterasaun ba OJE 2019, ne’ebé tuir planu sei realiza, iha Kinta (31/01/2019) semana nee.
Prezidente Repúblika veta Dekretu Parlamentu Nasional Nú 4/V - Orsamentu Jerál Estadu 2019 , iha Kuarta (23/01/2019), tanba konsidera OJE 2019 hamenus liután sustentatibilidade no la hatuir Konstituisaun no lei estruturante sira. Ne’ebé dezekilíbriu Orsamentál aas teb-tebes no laiha polítika alternativa. Eus


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker