Konseleiru Másimu partidu KHUNTO, José dos Santos Naimori Bucar, deklara to’o ohin loron seidauk halaoo juramentu iha Ramelau, tuir promesa KHUNTO nian tamba membru governu ne’ebé mak pendenti ladauk simu tomada de pose husi Prezidente Repúblika, Francisco Guterres “Lu Olo”.
Juramentu ba membru governu husi Partidu KHUNTO iha fóho Ramelau núdar komprimisu ida atu evita hahalok korupsaun durante assume knaar nu’udar servidór estadu.
"Quandu na'i prezidente, fó ona posse ba membru governu na'in sia e liuliu ba KHUNTO na'in rua, ne'e ha’u prontu lori sira ba juramentu iha Ramelau. E la'os governu deit, maibe arte marisiais hotu-hotu atu halo juramentu iha foho ramelau, atu kria unidade nasional, e ida ne'e mak objetivu jeral iha Timor-Leste", afirma Konseleiru Másimu Partidu KHUNTO, José dos Santos Naimori Bucar, hafoin inaugura kanalizasaun bee moos iha suku Abat Oan, Postu Administrativu Barique-Natarbora, munisípiu Manatuto.
Naimori hatutan katak, atu halo juramentu iha foho Ramelau ne'e, nia forma ona ekipa no hein deit atu realiza wainhira Prezidente ona pose ba membru governu pendenti.
Entretantu membru governu pendente husi Partidu KHUNTO ne’ebé seidauk simu pose maka António Verdial nu’udar kandidatu ba Ministru Interior ne’ebé deklara rejigna aan no oras ne’e fila hikas ba Parlamentu Nasionál hanesan reprezentante Povu. Ito
