GMN TV Politika PD eziji SEKOMS klarifika polémika iha Rtt-Ep

PD eziji SEKOMS klarifika polémika iha Rtt-Ep

0 views

Deputadu Bandaka Partidu Demokrátiku (PD), Adriano do Nascimento, eziji ba Sekretáriu Estadu Komunikasaun Sosial (SEKOMS), Mericio Akara, atu fó klarifikasaun klaru kona-ba polémika iha Radio Televizaun Timor-Leste Empreza Públika (RTTL-Ep).

Ejinesia ne’e relasiona SEKOMS haruka assesor halo audítoria hodi hapara Prezidente sesante RTTL-Ep Gil da Costa no ikus Xefe Assesor ba audítoria Francisco da Silva Gari, mak sai prezidente RTTL-Ep.

“Esplika tok mai ha’u, tambá ha’u preokupa ho esplikasaun  prezidente sesante iha TVTL no GMN ne’ebé hatudu insatisfeitu husi eis prezidente ne’e tambá asessor ida ne’ebé halo audítoria ikus nia mak sai fali prezidente, entaun ha’u presiza SEKOMS nia klarifikasaun atu nune’e ita bele iha hanoin ida hodi haforsa RTTL-Ep, sé lae jornalista senior sira halai sai husi RTTL-Ep, tambá deit polítika no estratéjia diferente no laiha seguransa no hakmatek atu hala’o servisu”, deklara Deputadu Bankada PD, Adriano do Nascimento, liuhosi plenária, Segunda (21/01/2019) iha Paralamentu Nasional.

Reprezentante povu ne’e haktuir, nia parte la preokupa atu hasai prezidente RTTL-Ep tuan hodi hatama prezidente foun, maibe preokupa tamba RTTL-Ep hanesan Instituisaun Estadu nian desde hahu to’o agora sempre sai polémika hodi muda fúnsionariu sira husi ida ba ida no fúnsionariu jornalista senior sira halai hotu tambá deit situasaun sira hanesan ne’e.

Hatán ba preokupasaun ne’e, Sekretáriu Estadu Komunikasaun Sosial (SEKOMS), Mericio Akara, hatete prezidente sesante no prezidente foun RTTL-Ep hasoru malu ona hodi hato’o planu no prioridade prezidente foun nian, tambá ne’e ho esperansa prezidente foun bele halo buat ruma durante iha nia mandatu.

“ Ita fiar iha fulan 3 nia laran prezidente Rttl-ep bele halo buat ruma, maske kiik maibe bele halo mudansa ruma ba ita hotu nia preokupasaun, ida ne’e mak importante liu, ita hotu hatene katak iha desizaun Konselho Ministru (KM) iha desizaun a’as iha mak tetu aspetu hotu”, tenik Mericio Akara.

Nia dehan, agora tempu atu ema hotu tau enerjia no konsentrasaun hamuutk ho objetivu atu hadia RTTL-Ep hahu jestaun admistrasaun no rekursus humanus, hafoin avansa ba dijitalizasaun no mos kontiudu programa sira hotu. Fel


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker