GMN TV Politika PLP: La presiza iha diálogu

PLP: La presiza iha diálogu

0 views

Vise Xefe Bankada Partido Libertasaun Popular (PLP), Francisco Vasconcelos  konsidera lia fuan dialógu ne’e buat mamuk ida, tanba laiha assuntu ida atu diskuti.

Deputado bankada PLP koalia lia hirak ne’e hodi responde ba preokupasaun publiku nian no mos sujetsaun Prezidente Republika ne’ebé husu lider sira atu halo dialógu hodi solusiona impase politiku.

Antes ne’e Prezidente Repúblika, Francisco Guterres Lú Olo, hateten atu to’o konsensu polítika ida lider sira tenke halo diálogu hodi buka solusaun atu hakotu impase polítiku ne’e, maibe tuir Deputadu bankada PLP hatete  la presiza halo dialógu.

“Liafuan dialógu ne’e buat mamuk ida, tanba asuntu saida maka atu diskuti, Prezidente veta orsamentu, tanba Prezidente nia preukupasaun, tanba osan ne’e bo’ot liu, laiha sustentabilidade tau osan balun iha area saúde, edukasaun liu-liu agrikultura no turismu ne’e hatudu katak Parlamentu iha kompetensia hodi halo konfirmasaun de votus ou bele halo ajustamentu tuir prezidente nia veta ne’e,”dehan nia.

Francisco Vasconselos dehan tan, “Prezidente mos husu para halo dialog, orsamentu ne’e preve tiha ona, Parlamentu iha mekanismu para halo dialógu ne’e, dialógu Parlamentu nian maka plenaria, ne’ebé dialógu extra ne’ebé ohin loron hotu-hotu koalia ne’e to’o ohin loron hau mos la komprende, mais se karik iha buat balun ne’ebé sira subar hela tenki koalia, maske ohin la tuir enkontro lider bankada mais hau hatete imi tenki koalia saida mak imi hakarak ita koalia, materia saida mak ita deskute aumenta osan iha ZEEMS, hasai osan ne’ebé koloka ona, ne’e lapersiza dialógu.”

Nia dehan tan sei koalia konaba dialógu iha tendensia fahe buat ruma, fahe dosi, fahe paun, tanba la klaru buat ida ne’e.

Deputado bankada PLP nee, dehan alterasaun ba lei no votus komfirmasaun rua ne’e iha posibilidade hotu depende ba plenaria, tama ba plenaria maka karik iha proposta mai no pasa signifika katak halo ajustamentu, sei proposta la pasa halo komfirmsaun de votus, mais depende iha plenaria.

 “Ha’u hanoin Kinta agora PN bele rezolve ida ne’e lalais haruka fila fali ba PR, sekarik halo konfirmasaun dentru de loron 8 Prezidente obrigado tenki promulga,” dehan nia.

Deputadu ne’e hatete tan sei karik halo ajustamentu ruma ne’e konseidera lei foun, tuir konstituisaun PR iha loron 30, PR bele veta ou promulga signifika dada tan tempo, tanba PR estuda lei ne’e kuaze fulan ida resin. Nes


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker