GMN TV Politika PM Taur lamenta PR Lú Olo veta OJE 2019 ■Uza orsamentu duodésimu prejudika atividade tomak

PM Taur lamenta PR Lú Olo veta OJE 2019 ■Uza orsamentu duodésimu prejudika atividade tomak

0 views

Primeiru Ministru (PM), Taur Matan Ruak, preokupa ho Prezidente Repúblika (PR), ne’ebé veta ona Orsamentu Jeral Estadu (OJE) 2019 ho montante billiaun USD 2.1, nune’e Governu sei hadi’a no lori hikas Orsamentu Jerál Estadu ba Parlamentu Nasionál (PN) hodi halo reapresiasaun.
Xefe Governu Taur Matan Ruak, hato’o kestaun ne’e hafoin hasoru malu ho Prezidente Repúblika, Kinta (24/01/2019), iha Palásiu Prezidensial.
Iha sorumutu ne’e mos, Primeiru Ministru Taur Matan Ruak informa mos kona-ba progresu servisu Governu, alende ne’e koalia mos kona-ba OJE 2019 ne’ebé Prezidente Repúblika veta.
“Hasoru malu ho prezidenti informa kona-ba atividade Governu nian mos haree preokupasaun kona-ba veta Prezidenti Repúblika nian ba Orsamentu Jerál estadu 2019 nian, oinsa mak ami iha oin ne’e servisu Governu, Parlamentu atu rezolve lalais problema ne’e”, deklara, Taur Matan Ruak.
Xefe Governu hateten, Timor-Leste labele moris de’it ho orsamentu duodésimu iha durasaun tempu badak. Nune’e, iha tempu badak Governu sei liu husi Konsellu Ministru hodi haree ba desizaun sira nomos Governu ho Parlamentu hodi haree diskusaun no ajenda ba oin ne’e oinsa, hakat saida mak bele halo para depois urjenti haruka fila ba Prezidenti Repúblika.
Xefe Governu reforsa liutan katak, urjentimente para lalais, la’os lori nasaun ne’e ba orsamentu duodésimu deit hodi prejudika atividades tomak, setór privadu no sosiadade nian.
Antes hakotu, Xefe Governu deklara orgaun ne’ebe masimu liu mak Prezidenti Repúblika, hanoin no inisiativa hotu-hotu diak desde que Prezidenti toma inisiativa, laiha ema ida mak lá apoiu insiativa sira ne’e.
Insiativa Prezidenti Repúblika nian ne’ebe mak diak ba nasaun.
“Ha’u hanoin ne’e importante lo’os, primeiru ita apoiu malu, tanba sa mak rezolve orsamentu jeral estadu para depois labele prejudika bebeik ita haree bebeik ba orsamentu duodesimu, para labele prejudika atividades hotu liu-liu atividades ekonomikus sira”,hateten Xefe Governu ne’e.
Entretantu, Governu kontinua uza orsamentu duodésimu ne’e to’o fulan Janeiru remata ho total orsamentu millaun dolar amerikanu 61, kompostu husi saláriu, bens servisu no transfrensia públika.Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker