GMN TV Politika PM Taur Matan Ruak: Ha’u la fiar agrikultura mak finansia atividade Estadu

PM Taur Matan Ruak: Ha’u la fiar agrikultura mak finansia atividade Estadu

0 views

Primeiru Ministru (PM), Taur Matan Ruak, la fiar katak, agrikultura mak sei lori osan hodi finansia atividade Estadu nian iha tinan hira tuir mai, tamba ne’e Orsamentu Jerál Estadu 2019, Governu tau osan millaun USD 650 hodi sosa asaun ConocoPhillips no Shell iha kampu Greater Sunrise.

“Iha tinan 2019 ita tau orsamentu bo’ot liu millaun $ 650 ba industria petrolíferu ,ne’e rasik tanba saida? Ne’e para atu ajuda  ita asegura kontinuasaun ekstensaun Fundu Petrolíferu ne’e rasik, tanba lta la investe ida ne’e  ha’u la fiar katak ita nia  agrikultura mak sei lori osan mai atu finansia atividade Estadu nian iha tinan hira tuir mai”, dehan Xefe Governu hafoin enkontru semanál ho Prezidente Republika, semana nee.

Primeiru Ministru dehan razaun seluk governu sosa asaun kompañia ConocoPhillips ho Shell  atu asegura kontinuasaun ekstensaun fundu petróliferu ne’e rasik, tamba la investe ida ne’e agrikultura sei la lori osan  atu finansia atividade Estadu.

“Risku tinan-tinan ita gasta fundu ida ne’e mais anos, menos anos, sedu ou tarde tenki hotu agora hau nia pergunta hotu ne’e osan mai husi ne’ebe ,mai husi industria petróliferu kafé mos sei la fó ba ita, satan kafé agora tama ba terseira lugar ne’ebe lori reseita mai ita, segundu mai ba fali ita nia traballador sira iha Australia, Korea no Inglatera ,tamba ne’e mak ita tenki haree entre prioridades no area importante sira ne’ebe ita presiza investe”, afirma Xefe Ezekutivu.

Eis xefe Estadu 2012 – 2017 nee hatete area edukasaun, saúde no agrikultura bele investe to’o mate, maibe atu sustenta tenki iha osan mai husi Bayu Undang no ba oin tenki mai husi Greater Sunrise.

“Naturalmente edukasaun,saúde no agrikultura ne’e buat ida que forever to’o ita mate de’it ,maibe para sustenta ne’e tenki iha osan no osan mai husi ne’ebe, ita nian ne’e mai husi Bayu Undang  no agora ba oin tenki mai husi Sunrise ,tamba ne’e mak ita halo ezersisiu ida, ita tenta fahe, ne’e la signifika ita sei la aumenta,maibe sim edukasaun ita sei aumenta neneik – neneik, ita aumenta”, esplika Taur Matan Ruak.tos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker