GMN TV Politika PN kontinua pendente eleisaun ba komisáriu KAK

PN kontinua pendente eleisaun ba komisáriu KAK

0 views

Parlamentu Nasional (PN), iha Segunda (14/1/19), kansela tan eleisaun ba komisáriu Komisaun Anti Korupsaun (KAK), tanba deputadu sira hakarak halo konfirmasaun prontidaun ba kandidatu ne’ebé Governu propoin mai iha PN.

Maibé tuir ajenda ne’ebé aprova husi rezultadu enkontru líder bankada iha semana kotuk, desidi ona loron Segunda (horiseik-red) sei halo eleisaun hodi hili komisáriu KAK, tanba komisáriu KAK, Aderito Tilman ninia mandatu remata ona iha tinan kotuk.

“Hanesan hotu-hotu hatene katak kandidatu ne’ebé Governu aprezenta ona iha fulan Agostu, tinan 2018, iha reuniaun líder bankada, hau dehan ajenda pendente mak ida ne’e, ajenda ohin (14/01) atu halo votasaun, maibé deputadu bankada sira hakarak konfirma fali atu hatene loloos kandidatu sira ne’e sei mantein ka la’e”, Prezidenti PN, Arão Noe ba jornalista sira hafoin plenária iha PN.

Nia esplika, PN sei haruka karta ida ba Governu, liu-liu Primeriu Ministru (PM), Taur Matan Ruak, atu halo konfirmasaun ba kandidatu komisáriu KAK ne’ebé maka Governu sei propoin mai iha PN.

“Prosesu ne’e, ami kumpri ba sujestaun bankada sira nian, ami sei haruka karta ba PM, Taur Matan Ruak atu konfirma kandidatu ne’ebé maka Governu propoin, sé rezultadu husi karta ne’e maka iha klareza aban (ohin-red), tama ajenda halo votasaun”, haktuir Xefi Órgaun Lejislativu ne’e.

Arão Noe akresenta, PN kumpri dever haruka karta konfirmasaun Governu, kona-bá kandidatu ne’ebé maka Governu sei haruka mai PN, maibé tuir lei Governu maka propoin kandidatu, tanba PN nia funsaun maka halo votasaun.

Entretantu kandidatu ne’ebé antes ne’e, Governu propoin maka hanesan Aderio Antonio Tilman no Sergio Hornay, maibé dezde  komisáriu KAK Adérito antónio Tilman remata nia mandatu iha loron 15, fulan Jullu, tinan 2018, to’o agora seidauk iha komisáriu KAK maka substitui. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker