Deputadu sira iha Parlamentu Nasionál (PN), preokupa ho atendimentu husi Banco Nacional do Comercio de Timor Leste (BNCTL), tanba durante loron bo’ot natál ho tinan foun Automated Teller Machine (ATM) iha fatin-fatin la funsiona no osan mós la iha.
“Governu tenke buka dalan no koodena ho BNCTL hodi melhora diak liu tan sira nia atendimentu ba kliente tanba uza ATM bainhira tempu udan tu’un a’at hotu se bainhira iha problema ruma governu bele intensifika megawait fó atendimentu diak ba kliente sira liu liu ba ferik katuas no Funsionáriu Públiku (FP) ne’ebé antrian naruk”,dehan deputadu PD Adriano do Nascimento liu husi plenária iha Parlamentu Nasional, Segunda (7/1/19).
Nia esplika, banko atu sai motiva kliente sira oan hadomi sira nia banku se atendimentu kontinua hanesan ne’e hela deit timor oan sira bele lori sira nia osan ba tau sira nia osan ih arai liur.
“Governu tenke buka dalan fo atendimentu ne’ebé diak foin lalais ita hotu aseita tau osan 5 miloens ba BNCTL maibe ninia tratamentu ka kinerjia hanesan ne’e hela deit kliente bele sai husi BNCTL kuandu udan atu tu’un a’at hotu kuandu feriado mákina ATM osan la iha hanesan kliente ami hasoru malu b amai iha dili laran “dehan Adriano.
Iha fatin hanesan deputada bankada KHUNTO, Irene Sarmento, mós sekunda ho deputadu sira seluk nia preokupasaun tanba sente triste tebes bainhira sai kliente ba BNCTL, maibe atendimentu BNCTL, la funsiona ho diak.
“Iha loron bo’ot natál ho tinan foun ami ba fatin fatin ne’ebé mak mákina ATM-BNCTL iha maibe mákina sira ne’e la diak, iha momentu ne’e ami mós labele foti osan tanba mákina la diak”,katak irene.
Irene husu ba meja atu hato’o kestaun ne’e ba Ministériu kompetente hodi tau atensaun ba ida ne’e tanba iha loron bo’ot natál ho tinan foun ema hotu presiza osan atu bele uza lori sosa sasan, maibe ba foti osan laiha.ety
