GMN TV Politika PPN Arão Noe konsulta PM , PN sei konfirma votu no hasai osan sosa asaun ConocoPhillips-Shell

PPN Arão Noe konsulta PM , PN sei konfirma votu no hasai osan sosa asaun ConocoPhillips-Shell

0 views

Prezidente Parlamentu Nasional, Arão Noe, hatete Parlamentu Nasional sei halo konfirma votu no hasai osan sosa asaun ConocoPhillips no Shell Energy ho motante millaun USD 650 husi Orsamentu Jeral Estadu 2019.

Prezidente Parlamentu Nasional (PPN) Arão Nõe, koalia lia hirak nee ba jornalista sira hafoin hasoru malu ho Primeiru Ministru, Taur Matan Ruak, Kinta-feira nee,  iha Palasio Governu hodi konsulta  konaba desizaun Prezidente Repúblika Francisco Guterres Lú-Olo ne’ebé veta Orsamentu Jerál Estadu 2019.

“Ami konsulta asuntu sira ne’ebe iha atu nune’e bele iha konsentrasaun politika ida konaba OJE 2019 ne’ebe Prezidente Repúblika veta ,tamba orsamentu governu mak propoin ,tamba ne’e parlamentu ba konsulta atu asaun saida mak ita bele foti ba oin, opsaun primeiru konfirmasaun de votu no segundu alterasaun ruma no asaun segundu bele inklui hasa’I husi $650 Milhões se karik prezidente republika preukupa no fundamentu ida ne’e nia argumenta katak, osan ne’e bo’ot de mais. Sé ita hasa’i tiha ida ne’e osan ne’e hela de’it Bilaun 1.488”, dehan Arão Noe.

Arão akresenta, asaun ne’ebe Parlamentu Nasional sei halo mak konfirmasaun  votus no halo alterasaun  ne’ebe bele hasa’i orsamentu ho montante Milaun 650 husi Orsamentu Jeral  Estadu tinan ne’e,tamba Prezidente Repúblika konsidera Orsamentu jeral tinan ne’e montante bo’ot liu kompara ho Orsamentu Jerál hotu-hotu.

“OJE mak sai ran ba Estadu atu asegura ran ne’e labele maran ,tamba ne’e tenki prosesu lalais orsamentu ne’e atu ita bele tau Estadu ne’e bele funsiona ,maibe atu promulga ou veta OJE ne’e kompetensia PR ninia, ami hakarak aseleira orsamentu ne’e lalais para semana oin mai tenki aprova hodi haruka fila-fali ba Prezidente Repúblika ,tamba Estadu presiza orsamentu para hodi Estadu ne’e moris”, hatutan Prezidente Orgaun Lejilativu.

Orasmentu Jerál Estadu 2019 ho motante billaun 2.1 nee Prezidente Republika veta no publika iha loron 23 semana nee, tamba konsidera montante orsamentu $ 2.132Billiaun ne’e bo’ot liu orsamentu Jerál hotu-hotu.

Alende ne’e mós Xefe Estadu  konsidera, orsamentu ne’e la tuir Programa Governu, laiha diversifikasaun ekonómika,  alokasaun orsamentu  ladún fó benefísiu ba sidadaun sira, valor sustentabilidade menus no la iha polítika alternativa, tamba ne’e prezidente deside veta no haruka fila fali ba Parlamentu Nasional. Tos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker