GMN TV Politika PPN Arão Noe: Semana oin, PN haruka fila OJE 2019 ba PR

PPN Arão Noe: Semana oin, PN haruka fila OJE 2019 ba PR

0 views

Prezidente Parlamentu Nasionál (PPN), Arão Noe, promete, semana oin, Parlamentu Nasional (PN) bele  haruka fila-fali Orsamentu Jerál Estadu (OJE) 2019 nian ne’e ba fali Prezidente Repúblika, Francisco Guterres ‘Lú Olo’ hodi foti desizaun.

Prezidente PN ne’e akresenta maske máximu  durasaun tempu loron 90 ba Parlamentu Nasional atu halo reapresisaun, maibe nia kompromete  iha semana oin parlamentu bele haruka fila-fali orsamentu ne’e ba Prezidente Lú Olo, hodi promulga ou kontinua veta.

Kona-ba orsamentu sosa asaun Conocophillips no Shell, Prezidente Parlamentu Nasional  Arão Nõe, hatan katak atu aloka orsamentu millaun USD 650 atu sosa asaun Conocophillips ho Shell ne’ebé Parlamentu Nasionál hasai ne’e ba fali ministeriu seluk, tenki hetan aprovasaun husi deputadu sira.

Prezidente Parlamentu Nasional hatutan  Orsamentu millaun USD 650 ne’ebe tau iha orsamentu jeral tinan ne’e atu sosa asaun Conocophillips ho shell, maibe hafoin rona razaun fundamentu husi Xefe Estadu ne’ebe veta orsamentu, tamba konsidera montante billiaun USD 2.132 bo’ot liu kompara ho Orsamentu Jerál Estadu hotu-hotu  maka Parlamentu Nasional bele hasai fali  orsamentu ne’e hodi aloka fali ba item seluk.

Prezidente Segundo orgaun soberano ‘ hatete,  “durasaun loron 90 ne’e  maximu, komesa kedas loron dahuluk hahú ohin sé ami bele halo apresiasaun hodi lori fila-fali mos ,mas komu atu lori ba iha reniaun lider bankada para hodi fiksa loron reapresiasaun ,Ita book ona lei ne’e opsaun sira ohin hau dehan ne’e nakloke   bele hasa’I no bele altera fali, muda fali ba item seluk ministeriu balun presiza ,mas ida ne’e hotu kabe ba deputadu sira nia desizaun se proposta iha kumpri regra prezidente admite no lori ba plenaria debate se aprova hatama ba orsamentu sistema mak ne’e”, esplika Aão Noe.

Prezidente Parlamentu Nasional nee mos hatete parlamentu  hakarak  halo lalais re-apresiasaun ba OJE 2019 ne’ebe Prezidente Repúblika veta.

“Iha konstituisaun artigu 88 No.3 nia hatete klaru ona dois tersus os deputados prezente depois ninia rezultadu de votu maioria ne’e mak 33 mais 1 katak, se 33 votus afavor mais 1 liu ida ne’e maioria liu tiha ona. Tuir ami nia intrepetasaun lei ida ne’e nia monu iha Artigu 95 No.3 husi numeru 3 ne’e tuir hau nia intrepetasaun no legal balun nia intrepetasaun la kabe ba iha numeru 3 do Artigu 88 ,tamba lolos numeru 3 Artigu 88 nia refere ba Artigu 95 No.2”, dehan PPN Arão.Tos/ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker