GMN TV Politika PPN Arão: PR veta OJE 2019 ho opsaun polítika

PPN Arão: PR veta OJE 2019 ho opsaun polítika

0 views

Prezidenti Parlamentu Nasional (PPN), Arão Noe hateten, Prezidenti Repúblika (PR), Francisco Guterres ‘Lú Olo’ veta Orsamentu Jeral Estadu (OJE), tinan 2019 veta ho opsaun polítika no la’os veta jurídiku.

“Ami sei konsidera iha veta polítika nian, iha opsaun rua ba Parlamentu Nasionál (PN), bele halo konfirmasaun no bele halo alterasaun, sé Tribunal Rekursu (TR) maka deklara inkonstituisionalidade ba artigu ruma ka alinea ruma maka PR veta, haruka mai artigu ne’e maka ami altera no haruka fila-fali”, PPN ba jornalista sira hafoin halo reuniaun ho lidér bankada sira PN, Sesta (26-01-2019).

Nia esplika, PN nia razaun dehan PR Lú Olo veta polítika ba OJE 2019, tanba PR veta haruka fila-fali mai PN, ida ne’e maka dehan veta la tuir konstituisaun, sé PR veta jurídiku durante loron 30 haruka ba TR halo apresiasaun.

“Veta la haruka ba TR hodi halo apresiasaun,  maibé veta  haruka fila-fali ba PN ne’e konsidera veta ho opsaun polítika, la’os veta tuir jurídiku”, haktuir Arão Noe.

Xefi Órgaun Lejislativu ne’e akrsenta katak, razaun PR veta OJE 2019 ne’e, tanba OJE refere ás liu tinan hira ba kotuk ninian ne’ebé aprovadu iha Timor-Leste no konsidera mós katak OJE ba área balun, hanesan agrikultura, saúde edukasaun no ba turizmu ninia menus liu.

“Lidér bankada sira iha ona konsensu atu halo reapresiasaun ba OJE  2019 no liu husi enkontru lidér bankada PN desidi ona atu halo reapresiasaun ho opsaun konfirmasaun votus ou alterasaun ba OJE 2019, ne’ebé tuir planu sei realiza iha loron Kinta (31/01)”, informa PPN ne’e.

Entretantu tuir konstituisaun RDTL, artigu 88 kona-bá promulgasaun no vetu, hateten, iha prazu loron 30 nia laran, hahú husi simu diploma naran ida husi PN atu promulga hanesan lei, PR bele promulga ou uza direitu vetu, hodi husu apresiasaun foun kona-bá lia-tatoli ne’e ho fundamentu, ho nune’e PN, iha prazu loron 90 nia laran, konfirma karik votu tuir maioria absoluta deputadu sira-nian, ne’ebé serbisu hela, PR sei promulga diploma ida-ne’e, iha prazu loron 8 nia laran, hahú husi loron ne’ebé nia (PR-red) simu. Ety


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker