GMN TV Politika PR Lú Olo apresia servisu PNTL ho F-FDTL

PR Lú Olo apresia servisu PNTL ho F-FDTL

2 views

Prezidenti Repúblika (PR), Francisco Guterres ‘Lú Olo’, apresia susesu servisu Polísia Nasionál Timor-Leste (PNTL) no FALINTIL–Forsa Defeza Timor-Leste (F-FDTL), durante selebrasaun loron natal no simu tinan foun 2019. 

Prezidenti Repúblika hato’o nia apresiasaun ne’e, iha enkontru semanál ho Komandante Jeral PNTL Komisáriu Júlio da Costa Hornay, iha Palásiu Prezidensial Nicolau, Lobato Bairu Pite-Dili, Sesta (11/01/2019).

“Prezidenti apresia servisu instituisaun rua PNTL ho F-FDTL ne’ebe apoiu malu hodi asegura selebrasaun natal no ano novo ho diak tebes ne’e mak apresiasaun Prezidenti nian ba Instituisaun rua ne’e,” hateten, Komisariu Julio Hornay.

Entretantu, situasaun seguransa durante festa loron boot natal no tinan foun 2019, maski iha bairu balun mak konsege tuda malu iha oras balun nia laran, maibé la perturba situasaun seguransa em jerál iha territóriu Timor Leste.

Oportunidade ne’e, Komandante Jerál PNTL ne’e mós husu ba Públiku atu labele fiar rumoris ne’ebé espalla iha sosiál média, hodi halo espekulasaun polítika ba situasaun.

Komisariu Polísia nee afirma Polísia ho F-FDTL protu atu fo seguransa ba kualker situasaun nebe akontese iha rai laran. Nee atu responde ba  informasaun nebe publika iha media sosial katak, ba’inhira Prezidenti Repúblika Veta Orsamentu Jeral Estadu mak Timor Leste sei mosu krizi.

 “Balun koalia iha facebook dehan katak sé prezideni veta orsamentu jeral dehan ita rahun hotu, rahun ne’e lalika koalia arbiru ida-idak ninian Timor ne’e ukun-an dala ida deit, ida ne’e forsa rua asegura nafatin establidade,” hateten, Julio Hornay.

Julio Hornay aprofunda katak, kestaun politika tenke fiar ba lideransa sira, no suporta lideransa sira ne’e mak ita hotu hakamatek ne’e hodi bele rezolve impasse ne’ebe mak iha ho diak. Eus


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker