Eis Deputadu Asembleia Konstituente no Jurista Timor-oan, Manuel Tilman hateten, sé karik Prezidente Repúblika veta proposta orsamentu ne’e, sei haruka fali ba PN atu konfirma votu tuir konstituisaun alenia 3.
Manuel Tilman esplika, signifika konfirma votu deputadu sira tenke prense votus 43 hodi bele hetan absoluta nunee prezidenti bele konfirma votus ne’e.
“Karik prezidenti veta lei ne’e fila fali ba parlamentu nasional hau nia hanoin ne’e parlamentu nasional iha obrigasaun konfirma fali sira votu haruka fali ba prezidenti ou emenda ka kuriji hadia orsamentu ne’e,” hatete Manuel Tilman ba JNSemanario, Sesta-feira nee iha Garden Beach, wainhira hatan perguntas karik PR veta proposta OJE 2019.
Prezidenti Repúblika (PR), Francisco Guterres Lú Olo simu ona proposta Orsamentu Jeral Estadu (OJE) 2019, no tuir, konstituisaun artigu 88 alina 1, Prezidente Repúblika iha prazu loron tolu nulu nia laran atu estuda no analiza molok promulga ka veta.
Orsamentu Jerál Estadu tinan 2019, ho montante dolar amerikanu billaun 2.1, aprovadu iha parlamentu nasionál ho votu a favór 40 abstensaun 0 kontra 25.
Nunee mos Prezidente Repúblika foin lala’is ne’e fo sai ninia preokupasaun ba OJE, orsamentu tinan ida ne’e boot, no mos alokasaun ba agrikulutra kiik.
Maski nune’e, Prezidente Repúblika hafoin veta dekretu Parlamentu Nasional konaba Lei Atividade Petróliferú númeru 13/2005, Prezidente promete ona katak sei lá veta kualker dekretu lei ne’ebé mak sei tuir mai. Eus
