GMN TV Politika PR veta ona OJE, PN konsidera projetu foun

PR veta ona OJE, PN konsidera projetu foun

0 views

Prezidente Parlamentu Nasionál (PPN), Arão Noe hateten, Prezidente Repúblika (PR), Fracisco Guterres ‘Lú Olo’ veta ona Orsamentu Jeral Estadu (OJE),2019  Parlamentu Nasionál (PN) konsidera projetu foun.

Arão Noe esplika, iha orgaun ida-idak hatene katak, prosesu elaborasaun OJE ne’e kompetensia governu nian depois aprezenta mai parlamentu, parlamentu debate  no aprova, agora submete ona mai PR, tuir konstituisaun fó 30 dias ba  Prezidente entaun   ohin loron ikus atu prezidnte pronunsia.

“Ha’u hanesan prezidente parlamentu Nasional ne’e dehan prezidente veta ho razaun katak, presiza ajusta ida ne’e, ajusta ida ne’ebá. Se parlamentu konsidera altera no haruka fila mai hanesan projetu foun,” haktuir, Arão Noe, ba jornalista sira hafoin enkontru ho Prezidente Repúblika Lú OLo, Kuarta (23/01/2019), iha Palasiu Prezidensial Nicolau Lobato Bairru Pite-Dili.

Arão Noe reforsa liutan katak, prosesu la’o fila fali, katak laiha dalan ida estradinadu, tanba parlamentu iha korum deliberasaun sei iha para atu bele hakat faze sira ne’e bele liu, agora prosesu nia impaktu maka uza orsamentu duadésimu ne’e.

Tanba, duodésimu ne’e ba osan restu de’it ne’ebé ke iha kofre do estadu. Governu labele ba foti osan fundu hodi mai uza, tanba lei jestaun finanseira no lei fundu petrolifeira la fó autóriza katak hodi foti osan husi lei ka lei orsamentu jeral estadu.

Tanba ne’e mak nia impaktu bele ba demora kleur liur liu, maibé buat hotu la’o ho nia dalan.

Prezidente Repúblika promulga ka veta, ne’e kompetensia ne’ebé mak konstituisaun haruka no parlamentu sei halo nia atividade tuir lei fó ba parlamentu saida mak parlamentu halo.

Tanba, Prezidente Repúblika konfirma ona katak nia sei foti desizaun iha loron ohin, atu veta ga atu promulga ne’e desizaun prezidente nian.

“Sé Prezidente veta OJE parlamentu nasionál bele halo apresiasaun fila fali tuir razaun sira ne’ebé mak  Prezidente fundamenta pois se promulga fó ho nota husi PR ba parlamentu katak atu halo akompañamentu ka fikalizaun, parlamentu protu atu hala’o funsaun tuir knaar ne’ebé define iha rejimentu no konstituisaun,” dehan, Arão Noe.

Arão Noe mos dehan públiku mós kestiona beibeik, mais tuir lolos laiha problema ida, iha asaun rua ne’ebé parlamentu halo iha parte primeiru konfirmasaun de votus ne’ebé ezije husi art. 80 alinea 3 ne’ebé refere ba art.95 nú. 2, la mensiona iha ne’ebá ma’is refere ba nú. 2.

Arão Noe esplika katak sekuantu Prezidente Repúblika uza ida ne’e, se veta parlamentu iha faze, se hakarak konfirmasaun nia ezije 2 tersu husi deputadus prezentes tanba ne’e mak prezentes ida nain 42 ne’e, fó ona dalan para atu bele lei ne’e pasa  iha 8 dias, Prezidenti promulga.

Nune’e, Arão Noe husu publiku tenke kalma desizaun saida mak Prezidente foti no parlamentu pronto hala’o nia servisu ba opsaun saida de’it mak prezidenti repúblika foti hodi bele rezolve problema.

Veta OJE tenke haree ba parte pozitivu ho negativu

Xefe Estadu Maior Jeneral FALINTIL-Forsa Defeza Timor Leste (F-FDTL), Majór Jeneral Lere Anan, sei Prezidente Repúblika (PR) veta Orsamentu Jera Estadu (OJE) iha nia positivu ho negative hotu.

Tuir Majór Jeneral nia hanoin kona-ba Orsamentu Jeral Estadu (OJE) ne’ebé Prezidente Repúblika (PR), Fracisco Guterres ‘Lú Olo’ atu promulga ka veta ne’e kompetesia prezidente nian tanba iha desvantanje ho vantajen iha hotu.

“Ita mak tenke hare prezidente promulga ka veta ne’e tenke haree parte pozitivu ho negativu ne’e signifika katak iha nia di’ak mós iha, a’at mós iha tanba orsamentu jeral la’os foin hahú”,dehan Majór Jeneral Lere Anan ba Jornalista hafoin enkontru ho Prezidente Repúblika (PR), Kuarta (23/01/2019), iha Palásiu Prezidensial Nicolau Lobato, Bairru Pite - Dili.

Nia hatutan, dezde Timor ukun a’an husi 2002 to’o agora ne’e osramentu jeral estadu kontinua ba bei-beik entaun komfiansa hotu entrega ba Prezidente Repúblika mak bele foti desizasun.

Tán ne’e mak husu ba sidadaun hotu tenke respeitu malu, nu’udar instituisaun tenke respeitu ema ida-idak nia kompetensia nune’e bele hein desizaun husi Prezidente Repúblika.

Lere mós fiar katak,  governu matenek ne’e mak ohin loron sai ukun na’in ne’e bele jere situasaun sai di’ak liu tan ne’e mak imlportante liu.

Iha ema barak mak espekula katak AMP ho Opozisaun sempre la konkorda ba malu, pru-zemplu Prezidente Repúblika mak promulga OJE mak FRETILIN kontra.

Sekuantu sé mak kontra ka apoiu ne’e sala hotu tamba kompetensia ne’e Prezidente Repúblika rasik mak atu foti desizaun.

“ita nia ukun nain sira mak tenke sukat hodi bele hametin estabilidade no dezenvolvimentu iha timor leste,” Lere informa.Eus


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker