GMN TV Politika Rezultadu reuniaun Konsellu Estadu segredu

Rezultadu reuniaun Konsellu Estadu segredu

0 views

Prezidente Repúblika (PR), Francisco Guterres ‘Lú Olo’, Tersa (15/1/19), konvoka  reuniaun  Konsellu Estadu hodi koalia kona - ba Orsamentu Jerál Estadu 2019.

Prezidente Repúblika simu Lei Orsamentu Jerál Estadu 2019 ho montante dolar amerikanu biliaun 2.1 husi Parlamentu Nasionál iha loron (24/12/2018), no Prezidenti Repúblika iha loron 30 hodi estuda antes foti desizaun atu Promulga ka Veta.

Tanba Orsamentu Jerál Estadu ne’ebe ho montante bo’ot, nune’e Xefe Estadu antes ne’e halo reuniaun ho entidade oi-oin no ikus ho konvoka Konsellu Estadu, nu’udar oragun konsulta politiku  Prezidente Repúblika.

Enkontru, Konsellu Estadu hodi rona opiniaun sira relasiona ho asuntu nasionais molok foti desizaun atu promulga ou veta Orsamentu Jerál Estadu tinan ne’e.

Hafoin remata enkontru Konsellu Estadu, Assesor Politika Palasio Prezidensial, Gregorío de Sousa, hateten rezultado husi reuniaun Konsellu Estadu  ne’e labele fo sai ba públiku, tamba konsidera segredu.

“Rezultadu husi enkontru ne’e asuntu ida segredu, portantu buat ne’ebe diskuti iha Konsellu Estadu labele sai ba liur, tanba ne’e orgaun konsulta Prezidenti Republika nian”, dehan Gregorío de Sousa ba Joranalista sira.

Assesor polítika ne’e mos dehan, nia parte laiha kompetensia atu fo sai kona-ba opiniaun ka sujestaun ne’ebé mak membru Konsellu Estadu sira hato’o iha enkontru.

Membru Konsellu Estadu sira ne’e kompostu husi, Prezidente Repúblika Francisco Guterres ‘Lú Olo’, Eis Prezidente Repúblika Kay Rala Xanana Gusmão, Eis Prezidente Repúblika, José Ramos Horta, Primeiru Ministru, Taur Matan Ruak, Prezidente Parlamentu Nasionál, Arão Noé de Jesus,  Eduardo de Deus Barreto ‘DUSAE’,. Aurora Ximenes, José Cornélio Guterres, Arcangelo de Jesus Gouveia Leite, José dos Santos ‘Naimori Bukar’.

Inklui Oscar Lima, Faustinho G. Gonçalves da Costa, Alcino de Araújo Barris, Maria Dadi Soares Magno no Laura Soares Abrantes, ne’ebé desidi husi Prezidente Repúblika.Eus


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker