GMN TV Politika TL sei hein desizaun sai membru ASEAN

TL sei hein desizaun sai membru ASEAN

0 views

Diretór Jeral Asuntu Association of South East Asian Nations (ASEAN) Ministériu Negosiu Estranjeiru (MNEK), Jorge Camões, hatete, Timor-Leste (TL) iha ona komitmentu no preparasaun atu sai Membru ba ASEAN, TL sei hein bainhira mak ofisializa adezaun ne’e.

“ Ami realiza enkontru ho Embaixador ASEAN sira iha Timor-Leste, hodi informa ba sira kona-ba preparasaun Timor-Leste sai Membru ASEAN. Ami informa ba sira kona-ba programa ba loron naruk, molok no depois Timor-Leste sai membru ASEAN no laos atu sai membru ba ASEAN deit maibe depois sai membru saida mak ita halo”, informa Diretór Jeral Asuntu ASEAN MNEK, Jorge Camões, ba Jornalista sira Tersa (22/01/2019) iha Bairru dos Grilhos Díli.

Liuhosi enkontru ne’e hat’o mos kona-ba programa mobilizasaun Timor-Leste ba ASEAN, ne’ebé forma ona ekipa hodi halo servisu intensifIkamente iha tempu oin.

Jorge Camões haktuir, servisu ne’ebé ekipa mobilizasaun programa hala’o mak tuir pilar ASEAN nian hanesan polítika seguransa ekonómia no sosiu-kultural no tempu badak sei realiza mos seminariu hodi  identifika elementu krítiku sira bainhira Timor-Leste sai membru ASEAN.

Iha fatin hanesan Embaixador Indonesia iha Timor-Leste, Sahat Sitoros, hatete Indonesia kontinua apoiu Timor-Leste sai membru ASEAN.

“ Ami Indonesia sempre fo apoiu no nunka atu para suporta Timor-Leste sai membru ASEAN. Iha ASEAN nia laran sei iha servisu hamutuk ne’ebé todan no iha relasaun ho problema  kona-ba regra, tamba ne’e ami husi membru ASEAN hanesan Thailandia, Filipin,a Brunei Darussalam no Malaysia promete sei halo komunikasaun ba kapital ida-diak nian hodi apoiu Timor-Leste iha área konstrusaun kapasitasaun no saida iha prosedur regra no buat ne’ebé mak Timor-Leste presiza atensaun hodi prepara Timor-leste sai membru ASEAN,” esplika Sahat Sitoros. Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker