GMN TV Politika Veta OJE 2019, Lucas da Costa konsidera PR Lú Olo laiha dever moral

Veta OJE 2019, Lucas da Costa konsidera PR Lú Olo laiha dever moral

Reitor Universidade da Paz (UNPAZ), Lucas da Costa, konsidera  Prezidenti Republika (PR), Francisco Guterres Lú Olo bele uza direitu konstitusional veta ou promulga OJE 2019, maibe tenke uza mos dever moral hodi promulga, tanba veta impaktu boot tebes ba ekonomia rai laran.

“Ita bele komprende katak Prezidenti da Republika iha direitu konstitusional veta ka promulga, maibe Prezidenti Republika mos labele haluha katak, iha ninia direitu ne’e la la’o mesak, mas direitu ne’e tenke la’o hamutuk ho nia dever moral, tanba Prezidenti Republika bainhira veta OJE ne’e lori impaktu boot ba povu nia moris, povu ne’e se? Povu ne’e maka hili Lu Olo ba Prezidenti da Republika. Se ita sei hanoin karik rezultadu iha eleisaun prezidensial iha segunda volta ne’e, votantes ne’ebe hili Lu Olo atu sai Prezidenti Republika ne’e hamutuk 260.000, sira hili Lu Olo ba Prezidenti Republika ne’e ho hanoin katak sira nia moris ne’e bele kaman oitoan, maibe realidade Lu Olo sai Prezidenti Republika tinan rua tutuir malu ita nani nafatin iha bee foer laran, ne’ebe Prezidenti Republika bele uza nia direitu konstitusional, maibe mos tenke uza dever moral atu hamahon nafatin povu ne’ebe hili nia, tanba Lu Olo sai Prezidenti Republika, la’os tanba partidu ida deit maka hili, maibe povu tomak ne’ebe namkari iha partidu hot-hotu”, hateten Reitor Lucas da Costa ba JNDiario iha nia kna’ar fatin, UNPAZ, Manleu, Dili, Kinta (24/01/2019).

Lucas da Costa hatutan,  Impaktu ekonomia husi veta OJE 2019 ne’e, povu senti tiha ona, tanba desde Janeiru tinan 2017 kuandu PN dissolve ita la servisu ona ho OJE 2017, mas Governu la’o deit ona ho regime duodécimal no ita hatene ona desde Janeiru 2017 to’o agora ita nia moris ne’e oinsa.

            “Dialogu ne’e la’os surumutu ida, ne’ebe se deit maka saudades malu bolu malu ba hodi hemu kafe ka hemu tua hamutuk hodi konta istoria deit, maibe kuandu temi ona dialogu katak ema lubuk ida tur hamutuk atu koalia kona ba asuntu ida importante tebes, no asuntu ne’e iha implikasaun ba ema barak nia interesse,”dehan Lucas da Costa.

Kona ba OJE 2019 haruka fila ba PN, ekonomista ne’e iha previsaun katak, Parlamentu Nasional sei halo deit ajustamentu estrutural ba orsamentu.

“Hau hanoin Parlamentu Nasional halo deit ajustamentu estrutural kona ba orsamentu ne’e, katak osan ne’e lolos labele bolu transferências publikas hanesan sosa asoens husi kompanhia conocophlips ho Shell ne’e labele tama iha ne’eba, tanba transferência publikas ne’e hanesan transfere osan ba veteranus sira, bolsa da mae, selu tusan, fo ba igreja katolika, no Universidade, no transferências publikas kuandu sai ne’e sai ona katak hotu ona, Estado sei la haree tan, dehan katak, mas kuandu osan tau para atu sosa asoens ne’e osan la’os sai la sai deit ona, maibe tenke buka tuir fali katak osan ne’e fila fali mai ka lae, tanba ida ne’e maka hau haree sai argumentu forte Prezidenti Republika uza para veta, maibe argumentu ne’e la’os labele deskute, ne’e bele deskute”, dehan Lucas da Costa.

Ekonimista timor oan nee dehan Parlamentu halo re-apresiasaun presiza deit absoluta, la’os maioria kualifikada, maioria kualifika maka presiza dois tersus.

“Eleisaun antesipada so iha razaun bainhira parlamentu la funsiona ona, no mos bainhira parlamentu hasoru krizi institucional, katak deputadu sira la tama, plenária laiha, mas haree husi konfigurasaun iha Parlamentu Nasional deputadu 40 sei nafatin hamutuk funsiona parlamentu, ne’ebe hau hanoin laiha razaun atu avansa ba eleisaun antesipada”, dehan nia.

Aleinde ne’e, Eis membru PN ne’e mos husu ba ukun nain sira atu ukun ho moral. “Hau hanoin to’o ona tempu para ita fanun malu, katak, kaer ukun ne’e ukun ho moral, kuandu la ho moral katak ita hanehan ema, ema nia direitu hanehan tiha, halo lakon tiha, ema nia hanoin diak ita despreza tiha ne’e ukun laiha moral, kuandu ukun laiha moral mos ne’e explorasaun katak ema hanoin diak kona ba ita, ema lori ita tun sa’e, tara tais tun sa’e, mas ita explora deit sira nia boa fe no hanoin diak ne’e, mas sira ita la hamahon no ajuda sira para moris diak, ne’e maka ukun laiha moral”,termina Luca da Costa. mia


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker