GMN TV Politika Asanami : líder sira tenke halo diálogu hodi hakotu inserteja politíka iha TL

Asanami : líder sira tenke halo diálogu hodi hakotu inserteja politíka iha TL

0 views

Partidu Demokrátiku (PD), husu líderansa sira tenke túr hamutuk no buka dalan hodi solusiona impase polítiku ne’ebe akontese iha rai laran hodi hakotu inserteja politik iha Timor – Leste (TL).

Deputadu Bankada Partidu Demokrátiku, Mariano Asanami Sabino husu ba ukun na’in  sira atu halo diálogu, nune’e bele hakotu imapase polítiku ne’ebé Timor-Leste(TL), enfrenta kuaze tinan 2 ona.

Asanami hateten, Governu iha posibilidade atu aprezenta fili fali Orsamentu Jeral Estadu (OJE) 2020 nian ba parlamentu nasionál, maibé importante líder sira tenki buka malu halo diálogu nune’e bele hakotu situasaun refere iha tempu badak, tanba povu lakohi nasaun ne’e la’o bebeik ho situasaun difisil nia laran.

Nune’e, Mariano Asanami kontinua husu polítiku sira buka malu para tenki halo diálogu ruma, Prezidente Repúblika mak ativu bolu polítiku sira para oinsa mak bele iha solusaun ba impase ne’e.

Partidu Demokratiku (PD) pronto ba Estadu, PD husu dada’uk ne’e maun sira tenki buka malu, buka dalan hotu - hotu para labele husik hela ita nia nasaun iha situasaun difisil nia laran, tanba ita haree katak kampu serbisu laiha.

Joven barak tenke ba buka serbisu iha ema nia rai i situasaun ne’e difisil liu tan, liu-liu mós ba ekonomia la’o diak, ekonomia iha situasaun difisil, nune’e labele husik ita nia nasaun ne’e iha inserteja nia laran, responsabilidade polítiku sira tenki aposta ba interese Estadu nian.

“Iha situasaun ida ne’e,  povu nia votus ne’ebé povu fó ne’e tenki nakfilak ba povu tanba responsabilidade ne’e la’os oportunidade, maibé responsabilidade ba konstrusaun Estadu no oinsa mak ita nia nasaun ne’e metin, posibilidade governu bele aprezenta fali OJE 2020 ba PN, mais polítiku sira tenki buka malu, koalia ba malu alternativu Prezidente Repúblika tenke ativu tanba Prezidente Repúblika mak garante instituisaun Estadu, garante diálogu ba malu, alternativu diak liu ba rai ne’e”, dehan, Deputado PD, Mariano Asanami Sabino ba jornalista sira, iha Parlamentu Nasional, Segunda (20/01/2020).

Asanami husu ba lideransa sira, atu unidade hodi labele husik nasaun ne’e monu, relasiona ho Orsamentu Jeral Estadu (OJE) 2020 nian ne’ebé sumba iha parlamentu nasionál, tanba ne’e ukun na’in  sira tenki buka dalan atu sai husi situasaun difisil nee, tanba povu fó ona konfiansa ba líder sira liu husi sira nia votus.

Orsamentu Jeral Estadu (OJE) 2020 ho montante  billiaun $ 1.668 ne’ebé la pasa iha parlamentu nasionál ho votus  afavor 13 abstensaun 25 no kontra 15. Ina


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker