GMN TV Politika Asegura mákina Estadu, MF lansa livru DOT ba kada ministériu

Asegura mákina Estadu, MF lansa livru DOT ba kada ministériu

0 views

Ministériu Finansa (MF) lansa livru Dotasaun Orsamentu Temporáriu (DOT) ba fulan Janeiru 2020 nian, ba kada liña Ministeriál sira, hafoin Konsellu Ministru halo aprovasaun ba dekretu ezekusaun rejime duodesimál nian atu asegura funsionamentu mákina Estadu.

“Depois Konsellu Ministru aprova ita-nia dekretu ezekusaun rejime duodésimu, Ministériu Finansa halo mos lansamentu ba Dotasaun Orsamentu Temporáriu ba fulan janeiru, dotasaun orsamentu temporáriu ne’e nia faze de kalkulasaun husi orsamentu aprovadu 2019 nian, maibé halo mós identifikasaun no halo suspensaun ba despezas balun ne’ebé ita konsidera hanesan one hock ka remata iha tinan 2018, husi tetu aprovadu 2019 ninian depois de téknikamente husi Ministériu Finansa halo kalkulasaun husi 1 por 12 hetan final agregadu DOT Janeiru nian mak millaun USD 116.4. Millaun USD 116.4 aloka iha kategoria saláriu vensimentu hamutuk millaun USD 17. 8, kategori bens no serbisu hamutuk millaun USD 38.6, transferensia públika hamutuk millaun USD 26.6, kapital dezenvolvimentu iha millaun USD 33.4 no kapital menor ita suspensa ba relativa ho prosesu aprovisionamentu, husi tetu Millaun USD 116.4 inklui mós despezas empréstimu ninian ne’ebé fulan - fulan ho nia kalkulasaun ho montante Millaun USD 7, 250,” dehan, Diretór Planeamentu Orsamentu, Januario da Gama, hafoin hala’o lansamentu ba DOT iha Ministériu Finansa  Aitarak Laran, Segunda (13/01/2020).

Diretór ne’e esplika, mezmu to’o ona fulan klaran mak halo aprovasaun no ezekusaun ba DOT refere maibe, ministériu ida-ida mak sukat sira nia nesesidade husi tetu ne’ebé distribui ona.

“Ita sei iha dezafiu ba ida ne’e, tuir prátika ho prinsipiu ne’ebé mai husi enkuadramentus legais kalkulasaun tenke hanesan ne’e duni, maibé Ministériu, Instituisaun idak-idak tenki haree atu sukat sira nia nesesidade husi tetu ne’ebé distribui, ita distribui tetu DOT ne’e iha médiu fulan Janeiru ho implikasaun mak Ministériu no Instituisaun la konsege ezekuta hotu, maibé ne’e hanesan prosesu ida ne’ebé ke guaiá, ita sei halo extensaun ba DOT fulan sira tuir mai, tanba prosesu ne’e ita ínisia agora, ita prepara ita nia planu ezekusaun ho asaun planu aprovizionamentu, mesmu orsamentu ne’e kaduka iha fim do janeiru, maibé nia prosesu sira ne’e ita sei tránzita ba fulan sira tuir mai, DOT foun ita sei aplika fulan tuir mai,”nia hatuir.

Husi lansamentu Dotasaun Orsamentu Temporáriu (DOT) ne’e ho intensaun, ne’ebé hola parte husi sistema Ministériu Finansas nian atu halo atualizasaun no loron (14/01/2020) liña ministeriais sira bele hahú ezekuta ona rejime orsamentu duodésimu temporáriu refere, nune’e bele asegura funsionamentu mákina Estadu.Ina 

 


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker