GMN TV Politika Dionísio rezeita informasaunmembru governu husi CNRT hatama karta rezignasaun

Dionísio rezeita informasaunmembru governu husi CNRT hatama karta rezignasaun

Prezidente Konsellu Diretivu Nasionál (PKDN) partidu CNRT, Dionísio da Costa Babo Soares, rezeita, informasaun ne’ebé espalla iha Média Sosiál (MedSos), liu-liu Facebook katak, membru governu husi partidu CNRT balun hatama ona karta rezignasaun.

Tuir nia, koligasaun Aliansa Mundansa ba Progressu(AMP) kontinua eziste nafatin, tanba ne’e membru governu sira dau-daun ne’e hala’o servisu hanesan bai-bain.

“Koligasaun AMP seidauk deside buat ida, tanba ne’e, ami hala’o servisu hanesan bai-bain, isu ida ne’e,isu ne’ebé iha internet dalaruma ita boot sira lee iha internet barak liu informasaun ida ne’e laloos”, Prezidente Konsellu Diretivu Nasionál CNRT ne’e ba jornalista sira hafoin reuniaun Konsellu Ministru (KM), iha Palaçiodo Governo,Kuarta (22-01-2020).

Dionísio akresenta, desizaun partidu klaru katak, membru governu husi CNRT kontinua halo servisu, nune’e informasaun refere laloos, tanba AMP  kontinuaeziste hela.

Nune’e  mós treseira Vise PrezidentePLP, Maria Angelina Lopes, hateten, partidu CNRT fó votus abstensaun no kontra baproposta Orsamentu Jerál Estadu (OJE) tinan 2020,ne’e halakon ona konfiansa ba Primeiru Ministru  (PM), tanba ne’e AMP la eziste ona.

“Mezmu konstituisaun fó dalan, maibé aktu politíku ne’e kuandu laiha ona konfiansa orsamentu mai tan dala ida mós, sei liu prosesu ne’ebé hanesan dau-daun OJE sumba iha Parlamentu Nasionál (PN). Ha’u hanoin PM, Taur Matan Ruak hanesan ema ne’ebé lidera governu, nia halo deklarasaun politíkadurante ne’e hanesan fó ona mensajen mai ita, oinsá pozisaun governu ni’an fila mai ka la’e ona, ita hotu hatene AMP la eziste ona, dezde partidu CNRT fó votus Abstensaun no kontra ba proposta OJE 2020”,afirma Maria.

Antes ne’e PM, Taur Matan Ruak, hateten, AMP la eziste ona, tanba deputadu CNRT rasik mak sobu koligasaun AMP liu husi fó votus abstensaun no kontra OJE 2020, durante debate loron tolu faze jeneralidade iha PN no nia parte sei kontinua hanesan PM, wainhira seidauk iha PM foun.

Wainhira jornalista tenta entrevista ho Prezidente Konsellu Diretivu Nasionál (PKDN) partidu CNRT, Dionísio da Costa Babo Soares, kona-bá deklarasaun PMkatak, AMP la eziste ona, nia parte lakohi fó komentáriu,maibé sujere ba jornalista sira atu halo konfirmasaun ho Sekretáriu Jerál partidu CNRT.Ety


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker