GMN TV Politika Fidelis–Salvador la partisipa audiénsia iha PN, Guntur: Aktu iresponsabilidade kontribui ba remodelasaun

Fidelis–Salvador la partisipa audiénsia iha PN, Guntur: Aktu iresponsabilidade kontribui ba remodelasaun

0 views

Deputadu bankada PLP, Sabino Soares Guntur, kestiona membru Governu na’in rua, hanesan Ministru Reforma Lejislativa no Asuntu Parlamentares (MRAP), Fidelis Magalhães  ho Ministru Obras Públikas (MOP), Salvadór Pires, ne’ebé la marka prezensa durante audiénsia entre Parlamentu Nasionál (PN) ho membru Governu hodi esplika kona-bá montante orsamentu ne’ebé propoin ba tinan 2020 nian.

Deputadu Aliansa Mudansa ba Progresu (AMP) ne’e mós konsidera katak, aktu governnante na’in rua ne’e, kontribui ba avaliasaun VIII Governu nian, hodi implementa polítika  remodelasaun ho lalais.

“Salvadór ho Fidelis ne’e, bainhira halo audiénsia, halai sees husi responsabilidade, ne’e sentidu katak, ema ne’ebé laiha responsabilidade moral, Estadu nia vida agora ne’e pendent, liu-liu ba OJE, povu ida ne’e vida ne’e mós depende de’it ba OJE, tanba sa mak sira na’in rua halai sees, ne’e eme ne’ebé mak dez-obedese ba hirarkia Estadu nian, hirarkia Primeiru Ministru nian. Se Primeiru Ministru mak autoriza mós sala hotu karik, tanba audiénsia ne’e importante, tanba sira mak responsabilidade ba sira-nia programa, maibé kuandu halai sees hanesan ne’e, se mak atu responsabiliza ida ne’e, item por item ne’e se mak esplika. Sira hatene katak tempu agora ne’e tempu debate OJE, antes debate ne’e tenke halo uluk lai audiénsia, hodi esplika item por item bele aloka osan ba ida ne’e, maibé kuandu sira halai sees tiha, diretur jerál ho asesor sira mak mai, para depois laloos, ne’e kompetensia ministru nian, kompetensia sekretáriu Estadu nian, sira mak ajuda PM bele esplika sasán sira ne’e. Ida ne’e aktu ida mais forte, para depois orientaa ba remodelasaun, ne’e attitude ladi’ak, iresponsabilidade, laiha moral, ema hanesan ne’e la presiza servisu ba Estadu, tanba ita-nia responsabilidade ne’e boot liu”, kestiona deputadu PLP ne’e, iha PN, Segunda (13//01/2020).

Guntur haktuir, durante diskusaun, laiha justifikasaun ruma kona-bá membru Governu na’in rua ne’ebé la marka prezensa iha PN hodi esplika nia proposta OJE ba tinan 2020 ne’e.

“ To’o agora laiha informasaun ruma, hodi orienta ba diskuasaun OJE, sira la esplika di’ak oinsa, osan ne’e Estadu nian,

Tuir loloos ema sira hanesan ne’e mak aktu ida mai forte para bele reforsa tan remodelasaun. Justifikasaun ida laiha, bankada hotu-hotu ne’e kestiona kona-bá sira na’in rua nia auzensia, pelu menus karik PM mak autoriza, antes ne’e tenke iha informasaun, nune’e PN bele apár ho informasaun ne’e, la esplika buat ida ne’e oinsa mak deputadu sira kompriende, la kompriende ne’e ba debate OJE ko’a tan siraa nia osan de’it, ne’e di’akliu”,subliña Sabino.

Relasiona ho asuntu ne’e, GMN tenta konfirma ho governante sira ne’e, maibé la konsege, tanba membru VIII Governu na’in rua ne’e okupadu ho servisu.

Maske nune’e, tuir informasaun ne’ebé GMN asesu katak, governante na’in rua ne’e auzensia, tanba hala’o hela lisensa annual.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker