GMN TV Politika FRETILIN husu PM buka reseita alternativa ba TL ■CNRT silénsiu iha debate OJE 2020

FRETILIN husu PM buka reseita alternativa ba TL ■CNRT silénsiu iha debate OJE 2020

0 views

Deputadu bankada opozisaun FRETILIN, Antoninho Bianco, husu Primeiru Ministru (PM) Taur Matan Ruak, atu buka reseitas alternativa, atu nune’e, bele sustenta vida Estadu Timor-Leste (TL) nian, nune’e labele depende bebeik ba reseita husi fundu mina-rai.

 “Iha previzaun ida, ita depende ba fonte reseitas husi mina, tanba ita exporta mina, maibé exportasaun mina ne’e sei mohu iha 2022, ate 2024 sei zero exportasaun husi mina rai, entaun sei depende de’it mak zurus mai husi fundu mina rai. Tanba ne’e, ita sei substitui ho saída bainhira bayu undan ne’e termina, reseitas seluk iha ka laiha, se exportasaun mina laiha?, esforsu ruma kala’e?, tanba ita dependênsia liu mina bayu undan ne’ebé atu hotu, esforsu durante ne’e to’o ona iha ne’ebé , para bele assegura sustentabilidade reseitas rai laran, hodi sustenta Estadu nia moris ba oin”, kestiona deputadu opozisaun ne’e iha diskusaun dahuluk proposta Orsamentu Jerál Estadu (OJE) 2020 nian, iha Parlamentu Nasionál, Kuarta (15/01/2020).

Deputadu opozisaun ne’e mós preokupa, bainhira laiha investimentu ruma ne’ebé aumenta, sei hasa’e mós taxa dezempregu iha Timor-Leste, tanba kada tinan graduadus atus ba atus, maibé laiha kampu traballu.

“Ita haree investimentu ne’e la sa’e, ne’e tanba saída?, tanba ida ne’e mós fatór ida atu ajuda reseitas, hodi assegura Estadu ne’e, bainhira investimentu ne’e laiha, dezempregadu ne’e sei kontinua sa’e tinan-tinan, investimentu laiha karik, pelumenus programa VIII Governu ne’ebé kada tinan atu fó traballu ba 60 mil ne’e, oinsa bele atinji. Ami haree mós fraka jestaun iha, ne’e tanba saída?, serake parte husi rekursu humanu ita nian ne’e mak la kualidade ka ou kestaun iha polítiku balun, tanba ne’e, PM tenke tau matan mós ba membru Governu sira ne’ebé mak besik ita, serake ida ne’e mak akontese sei halo fraku instituisaun Estadu, afeita ba jestaun fraku, no sei ba setores hotu-hotu fraku”, tenik deputadu Bianco.

Antonino sujere ba Governu atu dezevolve setór produtivu sira hotu, hodi assegura sustentabilidade Estadu ba oin.

Maske nune’e, deputadu opozisaun ne’e mós konsidera, montante orsamentu jerál  Estadu ba tinan 2020, ne’ebé aprezenta ba daruak ho montante billaun USD 1.668 ne’e nafatin bo’ot, tanba konsidera kapasidade Governu nian atu ezekuta de’it billaun USD 1.2.

Iha diskusaun OJE 2020 iha parte jeneralidade ba loron primeiru ne’e tuir observasaun, bankada CNRT silénsiu los, no nunka halo krítika maka’as hasoru Governu hanesan iha momentu liu ba, nune’e PM Taur tenke retira orsamentu.say

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker