GMN TV Politika FRETILIN prepara ona proposta 30 hodi altera OJE 2020 ■CNRT lakohi fó komentáriu

FRETILIN prepara ona proposta 30 hodi altera OJE 2020 ■CNRT lakohi fó komentáriu

Vise Xefe bankada FRETILIN, deputadu Francisco Miranda Branco, deklara, deputadu bankada FRETILIN prepara ona proposta kuaze 30 resin,  hodi halo redusaun ba proposta Orsamentu Jerál Estadu (OJE) ba tinan 2020, ne’ebé hahú diskute iha jeneralidade iha Parlamentu Nasionál.

Proposta kuaze 30 ne’e rasik sei aprezenta iha diskusaun OJE, iha faze espesialidade, ne’ebé tuir ajenda sei hala’o iha loron 20 to’o 30 fulan Janeiru tinan ne’e.

“Proposta la barak ida, ami sei aprezenta proposta atu halo alterasaun, hodi halo mudansa balun iha proposta OJE ida ne’e, maibé kona-bá aumenta ou redusaun ne’e, seidauk bele publika, maibé depois de anunsia mak foin bele hatene, proposta labarak, kuaze 30 de’it, maibé uluk 100 resin, ami prepara hela. Tanba ita haree dezde iha Governu sira anterior, tinan 10 resin ona, polítika OJE ne’e, nia sentru ne’e la’os ba kapitál humanu, maibé nia sentru ne’e mak ba kapitál fíziku hela de’it, tanba ne’e, orsamentu kuaze tinan 10 ne’e falla, la halo komprimentu ba planu estratéjiku no dezenvolvimentu nasionál. Planu estratéjiku dezenvovlimentu nasionál define ema mak nu’udar sentru dezenvolvimentu iha polítika orsamentu Estadu, maibé iha OJE, ita dezvia tiha tau sentru kapitál fíziku”, tenik deputadu Branco ba jornalista sira, hafoin diskute OJE iha jeneralidade ba faze daruak, Kinta (16/01/2020).

Iha sorin seluk, deputada bankada CNRT, Virginia Ana Belo deklara, husi bankada CNRT, seidauk iha proposta ruma, maibé parte nível komisaun nian, nia parte seidauk hatene.

“Agora dadauk ami nen iha proposta ida para atu halo alterasaun, hasa’e ka ou atu hatun, ne’e ami seidauk ko’alia kona-bá ida ne’e”, informa deputada CNRT ne’e.

Kona-bá pozisaun CNRT sei vota kontra ou lae, deputada AMP ne’e responde katak, akompaña de’it, tanba sei iha faze diskusaun.

Nia mós afirma, laiha possibilidade karik, tanba iha ona enkontru lubun ida ne’ebé halo husi AMP, atu konsentra malu no atu fó hanoin ba malu, maibé prosesu sei la’o akompaña de’it, lala’ok atu la’o oinsa.

Kona-bá deputadu sira bankada CNRT ladun halo intervensaun iha diskusaun jeneralidade ba loron dahuluk nian, deputada CNRT ne’e mós responde katak, bankada laiha orientasaun ruma, maibé depende de’it vontade deputadu ida-idak nian atu ko’alia.say

 


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker