GMN TV Politika G7+ hetan akreditasaun sai observadór internasionál

G7+ hetan akreditasaun sai observadór internasionál

0 views

Sekretáriu Jeral G7+, Helder da Costa hateten, organizasaun intergovernamental G7+ realiza enkontru ho objetivu atu breafing nia membru sira no agradese, tanba sira nia apoiu ba G7+ hetan ona akreditasaun hodi sai observadór internasionál.

Enkontru ne’e, marka prezensa husi Observadór ofisial husi Nasoins Unidas, no Organizasaun Intergovernamental G7+ hodi breafing nia membru sira halo servisu ho rigór liu tan.

“Ami breafing sira kona- ba estatutu observadór, istórikamente g7+ hetan nu’udar organizasaun intergovernamental ida, g7+ hetan ona akreditasaun hanesan organizasaun intergovernamental ida ne’ebé hetan state observadór ofisial husi Nasoins Unidas liu-liu iha asembleia jeral, ita iha responsabilidade moral esplika ba ita nia parseiru sira tanba sira nia apoiu, sira nia suporta mak ita hetan, reprezentante sira iha Nova Iorque, liu-liu konsellu permanente P5, ne’ebé kompostu husi Amérika, Russia, Xina, Fransa no Inglatera, fó sira nia suporta tanba ne’e mak ita hetan estatutu observadór ne’e unanimidade, tanba ne’e ami nia obrigasaun halo breafing sira ne’ebé akreditadu iha Timor-Leste no agradese sira no fó apresiasaun bo’ot ba sira nia membru ne’ebé durante fó suporta mai ita”, dehan, Sekretáriu Jeral G7+, Helder da Costa, ba jornalista sira hafoin remata enkontru nível altu ne’e, iha edifisio G7+, Tersa (14/01/2020).

Iha fatin hanesan mos, Ministru Negósiu Estranjeiru no Kooperasaun, Dionísio Babo hateten,  organizasaun G7+ realiza enkontru nívlel altu ne’e, hodi esplika atividade G7+ nian ba nia membru sira.

“G7+ organiza eventu ho embaixadór sira hamutuk ho misaun internasionál sira hotu hodi fó hatene kona-ba atividade serbisu no mós li-liu kona-ba estabelese g7+ hetan ona observa, estatutu nacões unidas, G7+ hetan ona observa estatus husi internasionál, ita hetan apoiu barak husi nasaun barak iha mundu, tanba ne’e fó forsa ba ita lori ita timor sai ukun an, ita kontinua tanba ita ajuda harii I to’o ikus hetan estatus, rekoñesimentu internasionál no ita prejiza serbisu hamutuk,” hateten, Dionísio Babo.

Nune’e mos, Deputadu David Dias Ximenes “Mandati” hateten, Timor-Leste manan nia autodeterminasaun la’os husi kilat, maibé manan funu liu husi meius ho amigos husi nasaun sira seluk.

“Manan funu la’os tanba kilat, la’os tanba manifestasaun juventude nian la’os tanba deit ita nia maluk sira, maibé tau hamutuk hetan simpatia nasional, ita nia diplomasia husi liur mós la’o makas, ONU desidi mai prova husi referendum, determina ita nia rai, ita hatene katak ita mós tenki buka ita nia meiu polítiku buat hotu saida mak determina nia meius mak determina hanesan mós ita Timor, ita nia meiu mak determina ita, ita nia meiu mak rai sorin- sorin ita relasiona ho saida, ho sé husi ne’e mak ita sei hetan saida mak ita hein, saida mak ita hakarak, saida mak iha hanoin ba ita nia rai no ba ita nia povu nia moris,” dehan, Deputadu David Dias Ximenes.

Entretantu, organizasaun G7+ harii iha 2010 ne’ebé kompostu husi nasaun 20, orgainizasaun G7+ nia servisu durante ne’e no harii Estadu iha nivel global atu bele projeta nafatin Timor - Leste nia imajen ba mundu Internasionál no mundu Internasionál rekoñese Timor Leste nia papel kona -ba pas iha mundu.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker