GMN TV Politika Governu la konsege ezekuta 16% husi OJE 2019

Governu la konsege ezekuta 16% husi OJE 2019

Ministra Finansas Interina, Sara Lobo Brites relata, iha fim tinan 2019 ne’e, VIII Governu Konstitusional ne’ebé lidera husi Primeiru Ministru (PM), Taur Matan Ruak, konsege ezekuta de’it pursentu 84 husi Orsamentu Jerál Estadu (OJE) tinan 2019, ne’ebé ho montante biliaun USD1.4, hela pursentu 16 mak la konsege ezekuta, no pursentu 16 ne’e sei fila ba kofre Estadu.

“ Taxa ezekusaun 2019, ita atinji nia termus persentuais to’o 84%, maibé ne’e iha hela faze rekonsiliasaun de daduz, tanba ne’e bele iha mudansa, maibé nia mudansa iha númeru, tantu nia persentazen 84%”, informa Ministra Finansas Interina ne’e ba jornalista sira, hafoin marka audiénsia públika ho komisaun C Parlamentu Nasionál, ne’ebé trata finasan públika, hodi diskute kona-bá proposta OJE 2020 nian, iha Segunda (06/01/2020).

Sara Lobo afirma, pursentu 16 ne’ebé la konsege ezekuta, sei la lakon leet de’it, maibé sei fila ba kofre Estadu no kadukadu.

“Hela 16% mak ita la gasta, 16% ne’e ita ko’alia kona-bá númeru ezekusaun ba ita-nia planu, entaun USD1.240 mak ita gasta, tanba ne’e ita sei iha kuaze millaun USD 200 liu mak la ezekuta, maibé ida ne’e ita ko’alia kona-bá orsamentu, entaun to’o fim do ano ita la ezekuta ne’e hangus ona la’e, ne’e la’os osan ne’e planu, orsamentu ne’e kuandu ita la gasta ne’e kaduka”, tenik Lobo.

Vise Ministra ne’e argumenta, ezekusaun ba OJE tinan 2019 to’o de’it 84%, tanba tempu ba ezekusaun tarde, no iha de’it fulan 9 hodi halo ezekusaun.

“ Ezekusaun to’o de’it 84%, tanba ita hahú ezekusaun iha Marsu no orsamentu promulga iha fulan Fevereiru, entaun ita iha fulan tolu mak iha duodésimu nia laran, iha primeiru trimester ne’e iha ezekusaun ki’ik, maibé depois de orsamentu promulga, ita foin mak iha fulan 9 hodi ezekuta, entaun fulan 9 ne’e tempu badak tiha ona, prosesu balun ne’ebé mak atraza ne’e kontribui mós ba iha ezekusaun, maibé 84% ne’e ami haree katak di’ak ona”, haktuir governante ne’e.

Husi montante biliaun dollar amerikanu USD 1.4 ne’e, fahe  ba item sira hanesan, saláriu vensimentu dollar amerikanu millaun 214, bens servisu millaun USD 472 liu, no kapital dezenvolvimentu hetan distribuisaun dollar amerikanu millaun USD 400,  kapital menor millaun USD 31 inklui transferensia públika millaunUSD 362.say

 


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker