GMN TV Politika La selu taxa ba Estadu TL, PJR lamenta TR a favor ba kompañia Timor Sea Resources

La selu taxa ba Estadu TL, PJR lamenta TR a favor ba kompañia Timor Sea Resources

0 views

Prokuradór Jeral Repúblika (PJR), lamenta ho desizaun  Tribunal Rekursu (TR) nian, ne’ebé a favor ba kompañia internasionál, Tokio Timor Sea Resources, ne’ebé halo esplorasaun iha tasi Timor, maibé la selu taxa ba Governu ho montante millaun USD 5.497 resin.

“Ministéiru Públiku preokupa ho desizaun Tribunal Rekursu ba petisaun ne’ebé aprezenta husi kompañia internasionál Tokio Timor Sea Resources,  halo rekursu kontra desizaun husi Diresaun Jeral Reseita no Alfandega, ne’ebé aplika ba kompañia, tanba la selu taxa,  infelismente desizaun tribunal rekursu a favor ba kompañia internasionál,  ne’ebé halo atividade  eskluzivu iha tasi  Timor,  maibé halo  mós investimentu seluk, ami la simu bainhira  Tribunal Distrital Díli,  desidi a favor ba kompañia ida ne’e”, dehan Jose da Costa Ximenes ba Jornlaista sira (16/01/2020), iha Palásiu Prezidensial, Bairo Pité Díli.

Nia salienta , Ministériu Públiku halo rekursu,  Governu nomeia advogadu  ida para  defende interese Estadu nian iha tribunal, ministériu públiku  nafatin marka prezensa hanesan parte asesoria iha prosesu ida ne’e,  advogadu halo rekursu ,  ministériu públiku  mós halo rekursu  ho matéria ne’ebé hanesan, karik nia halo atividade eskluzivamente iha tasi Timor deit bele,  maibé halo  mós investimentu seluk,  nia tenki selu tuir buat ne’ebé mak diresaun jeral reseita alfandega nian  desidi, inklui mós  taxa ne’ebé kompañia ne’e la selu desde tinan 2005.

Nia realsa,  Timor-Leste tenki selu pelumenus Millau USD 7 ba kompañia ne’e, maibé hanesan Prokurador Jeral, nia sempre hatete atu Timor-oan hotu respeita tribunal sira-nia desizaun, primeira instansia  kona bá tribunal suprior hanesan TR.

“Ami la simu desizaun ida ne’e, desizaun ida ne’e injustu, tanba saida mak injustu, deskonsidera argumentu jurídiku sira ne’ebé ministériu públiku aprezenta iha ninia rekursu no mós advogadu ne’ebé defende Estadu halo rekursu, maibé dekonsideradu hotu,  nein fó argumentus”,lamenta José da Costa Ximenes.

Hatan  ba lamentasaun ne’e, Prezidente Tribunal Rekursu, Deolindo dos Santos, deklara, nia sempre dehan, bainhira trata kazu pendente, nia labele pronunsia, tanba agora dadaun iha hela rekursu ida ne’ebé  mak hatama fali iha Tribunal Rekursu ba kazu ne’ebé hanesan.

“Agora dadauk iha rekursu extraordinariu ida tama iha ne’eba,  ne’ebé sei iha desizaun  ne’ebé  tuir mai kona bá kazu  ne’e”,subliña Deolindo.oly

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker