GMN TV Politika Lakohi redus orsamentu PN, FONGTIL: PN demonstra polítiku oportunista

Lakohi redus orsamentu PN, FONGTIL: PN demonstra polítiku oportunista

0 views

Maske Deputadu sira ezije governu atu redus Orsamentu Jeral Estadu ne’ebé aloka ba Ministériu sira hodi halo dezenvolvimentu no hadia povu nia moris, maibe reprezetante povu ne’e rasik lakohi hamenus sira-nia orsamentu rasik.

Diretór  Forum Organizasaun Naun Govermental Timor – Leste (FONGTIL ), Daniel Santos do Carmo, konsidera aktu lejislador sira nee atu demostra polítiku oportunista iha situasaun sira hanesan nee iha Parlamentu.

 “Ida ne’e mak ita lamenta no ita husu ba povu Timor-Leste atu matan mós hodi haree didiak ita nia reprezentante sira ho modelu ida hanesan ne’e ,ita nia preukupasaun mak ne’e sé sira lakohi hatun sira nia osan sira nia osan hodi halo saida ,sira atu halo fiskalizasaun sera que osan ida atu investe ba dezenvolvimentu sira haruka dehan hatun ba kapital umanu ,kapital dezenvolvimentu depois Governu husu atu hatun sira nia orsamentu sira lakohi hatun ho intensaun sira atu halo fiskalizasaun, sé osan ba dezenvolvimentu laiha sira mantein ho sira nia osan ba fiskaliza saida”,duvida Daniel Santos do Carmo ba JNDiário, Segunda (06/01), iha nia kna’ar fatin.

Reprezentante Sosiedade Sivil nee konsidera polítiku sira hakarak halimar ho povu nia moris.

“Ne’e atu demonstra katak, polítiku ida ne’ebé sira hakarak halimar oportunista iha eventu ida ne’e parlamentu nia osan barak liu ba viajen, tanba osan ida aloka ba dezenvolvimentu ida ne’ebé sira atu ba fiskaliza ne’e laiha ,tamba Ministru Obras Públikas hatete ,iha tinan ne’e projetu foun laiha”, dehan Diretór FONGTIL.

Nia apela ba povu atu matan ba representante povu sira nebe ho modelu sira hanesan nee. “Tenki  matan mós neon nain hodi haree deputadu sira ho modelu hanesan  ne’ebé hakarak reprezenta povu iha Parlamentu Nasional”, dehan Daniel.

Proposta inisial lei  Orsamentu Jeral Estadu 2020 nebe governu apresenta ba Parlamentu Nasional  nebe governu retira fali nee iha billaun USD1.950.

Husi total  orsamentu ne’e, orsamentu privativu Parlamentu Nasional nian Millaun USD16.400, maibe ekipa ajustamentu halo deit redusaun ba osan governu nian,  maibe deputadu sira halo votasaun orsamentu privativu PN nian, deputado sira vota kontra ba proposta atu halo reduzaun, nune’e Orsamentu ba PN mantein ba Millaun USD16.400.Tos

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker