GMN TV Politika Luis Roberto: Koligasaun AMP sei eziste

Luis Roberto: Koligasaun AMP sei eziste

Maske Primeiru Ministru (PM), Taur Matan Ruak hatete ona katak, koligasaun Aliansa Mudansa ba Progresu (AMP) laiha ona, tanba proposta Orsamentu Jeral Estadu tinan 2020 la pasa iha Parlamentu Nasionál, maibé  deputadu bankada Kmanek Haburas Unidade Nasionál Timor Oan (KHUNTO), Luis Roberto deklara, koligasaun Aliansa Mudansa ba Progresu (AMP) seidauk nakfera no sei kontinua eziste, tanba seidauk iha partidu membru ruma mak deklara rezigna an husi koligasaun AMP.

“ Tanba seidauk iha partidu polítiku ida deklara katak sees husi bloku AMP ne’e. Tanba ne’e fiar katak, koligasaun AMP sei eziste hela, tanba seidauk iha partidu polítiku, entre partidu tolu ne’ebé hari’i AMP ne’e laiha ida mak deklara rezigna an. Tanba ne’e ita hotu hein de’it, desizaun final husi ita-nia Prezidente Repúblika, kona-bá situasaun aktual ne’e”, deklara deputadu KHUNTO ne’e ba jornalista sira iha PN, Tersa (21/01/2020).

Luis Roberto subliña, nu’udar jerasaun kontinua ezije ba líder partidu polítiku sira atu tu’ur hamutuk, hodi koloka hanoin ba malu, hodi solusiona impasse polítika ne’e, nune’e, labele hanterus bebeik povu, ho aktu arogansia polítiku sira nian.

“ KHUNTO husu nafatin ba ita-nia aman ba nasaun sira atu tu’ur hamutuk, hodi kuda interese nasionál iha fuan, nune’e, labele haterus bebeik povu, ida ne’e mak importante. Buat hotu fila-fali ba ita nia governu no líder másimu sira atu tu’ur hamutuk, para hakotu ona situasaun ida ne’e. Ba ha’u nu’udar jerasaun foun, atu solusiona situasaun ne’e mak tenke tu’ur hamutuk, halo diálogu ida hodi hametin ita-nia unidade nasionál”, tenik Roberto da Silva.

Antes ne’e, Primeiru Ministru Taur Matan Ruak deklara, AMP la eziste ona, tanba konsidera bankada CNRT mak sobu, Liu husi fó votus abstensaun ba proposta Orsamentu Jerál Estadu ne’ebé aprezenta husi governu da-ualu, ne’ebé partidu CNRT mós hola parte ba.

Razaun CNRT fó votus abstensaun no kontra, tanba kandidatu membru governu nain 9 la simu posse, dezde governasaun da-ualu hahu to’o governasaun la’o kuaze tinan rua ona.

Aliende ne’e, observasaun CNRT nian ba dezempeñu membru governu da-ualu nian ne’ebé presiza halo ona remodelasaun, maibé Xefe governu seidauk konsege realiza, maske antes ne’e mós, koligasaun AMP halo ona konferensia iha Tibar, ne’ebé deklara atu remodela oitavu governu.say


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker