GMN TV Politika Mari Alkatiri: FRETILIN lakohi Eleisaun Antesipada

Mari Alkatiri: FRETILIN lakohi Eleisaun Antesipada

0 views

Sekretáriu Jeral Partidu FRETILIN, Marí Alkatiri, hateten partido FRETILIN lakohi Eleisaun Antesipada dala rua iha mandatu Prezidente Republika ida nian, tanba laos Eleisaun Antesipada maka povu hakarak husi lider sira.

Mari Alkatiri hato’o lia hirak nee ba jornalista sira hafoin enkontru ho Prezidente Republika, Sesta (24/01) iha Pálasiu Prezidente.

“Prosesu ne’e foin hahú, opiniaun saida mak ita fó ba Prezidente, oinsa atu reflete ba opiniaun, FRETILIN sempre iha hanoin diak ba povu, tanba  FRETILIN uluk kedan dehan, libertasaun patria no libertasaun povu nafatin, atu kontribui hasai povu ne’e husi mukit no nakukun”, dehan Mari Alkatiri..

Sekretariu Jeral FRETILIN  hatutan, agora ema balun komesa hatete, FRETILIN iha katuas bonitu ida iha FRETILIN  nia oin ne’e, sira mak tenke mai ko’alia,  sé solusaun  mak koligasaun foun, siginifika  kontinua buka solusaun ida, aranja entre lideransa, nia la konkorda ida ne’e.

“Ita- nia istoria agora hatudu katak, ohin aliadu, aban inimigu fali ona ne’e mak susar, ita tenke buka situasaun ida para kria konfiansa entre lider sira, tanba agora laiha konfiansa, ohin diak ona ita hakuak malu, halai ba Singapura hakuak malu, aban  fali  ladiak fali ona, sona malu, tanba ne’e ha’u hanoin solusaun  ne’e, laos politika de’it, muitu menus legal deit. FRETILIN prontu ba buat hotu, maibé  lakohi Eleisaun Antesipada agora, tanba FRETILIN lakohi mandatu Prezidente nian ida halo kedan Eleisaun Antesipada dala rua, segundu povu  mos kole ona ho eleisaun antesipada”, katak Alkatiri.

Tanba ne’e, Alkatiri afirma, lideransa sira tenki unidade hodi buka solusaun atu sai husi situasaun ida ne’e, la’os eleisaun antesipada mak solusaun.

“CNRT ho FRETILIN uluk hamutuk ona, maibé se mak halai sona sé?, ita bo’ot sira hotu hatene, Prezidenti Repúblika Lú Olo foti desizaun rona uluk ami ona, depois tenke haree ba lei no konstituisaun, tanba ha’u nia esperansa labele akontese eleisaun antesipada, FRETILIN mós la presiza hatun governu, oitavu governu sira mak sei hatun malu”, fundamenta Mari.

Eis Prezidente RAEOA ne’e relata, FRETILIN laiha preferensia, FRETILIN preokupa ho situasaun povu nian,  husik  lai Prezidenti Repúblika nia konsulta ne’e kontinua, depois mak bele ko’alia buat  sira ne’e, nia mós seidauk hasoru malu ho lider partidu PLP, CNRT, Khunto, Frenti Mudansa.

“Ha’u sempre dehan la rezeita diálogu, maibé agora ha’u fó prioridade ba sira atu hasoru Prezidenti Repúblika, governu maioria la monu, sira mak hamonu malu, uluk ha’u dehan ona, ne’e aliansa kontra natural, ne’e vida sei la naruk, agora se mak sai vítima fali mak Taur Matan Ruak, aban bain rua la hatene se fali, ne’e labele kontinua hanesan ne’e, ita-nia rai ne’e tenke la’o ba oin, labele ke rai kuak hatama ida, depois haksoit fali ba ida seluk”, katak Mari.

Eis Prezidenti RAEOA ne’e haktuir,  nia la dúvida ba Taur Matan Ruak, atu kontinua assume kna’ar nu’udar Primeiru Ministru, tanba governu agora la’os governnu jestaun, governu jestaun iha Timor-Leste iha kondisaun rua deit,  ida mak governu ne’e hetan ona demisaun,  ida mak eleisaun foun akontese, Primeiru Ministru labele rezigna aan tanba bele kria invasio (mamuk) iha Governasaun ida.

“Depende vontade polítika husi parte hotu-hotu, la depende deit ba FRETILIN, ladepende deit mós ba Prezidente Repúblika, konsesus ne’e signifika ita hotu tu’ur,  iha sentidu de responsabilidade, ita tenke hateke ba oin, ajenda klara no programa traballu ida ba ita komun, se ita seidauk to’o, ba ha’u mehi iha konsensus, tanba aliadu diak ba FRETILIN agora dadaun mak Povu”, katak Alkatiri.oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker