GMN TV Politika MOP aprezenta progresu levantamentu dadus inundasaun ba PM

MOP aprezenta progresu levantamentu dadus inundasaun ba PM

Ministru Obras Públikas, Segunda (13/01/2020) aprezenta levantamentu dadus inundasaun ba Primeiru Ministru Taur Matan Ruak, iha palasio Governu, relasiona inundasaun ne’ebé akontese iha, suku Manleuana iha loron (29 /12/ 2019), hodi afeita ba komunidade 205 nia uma.

“Primeiru ministru bolu ha’u koalia konaba akompañamentu liga ho asuntu inundasaun ne’ebé akontese iha suku Manleuana ne’ebé afeita ba uma kain kuaze 205, no iha dia 7 janeiru ne’e Primeiru Ministru bolu ona Vise Ministru Obras públicas no Ministru Interinu Estatal no Sekretariu Estadu Protesaun Sivil, koalia konaba asuntu refere (inundasaun-red), no ohin Primeiru Ministru hakarak hatene deit konaba, progresu levantamentu dadus teknikus ne’ebé ami ekipa diresaun jeral obras publikas halo,” hateten,  Ministru Obras Públicas, Salvador Soares dos Reis Pires.

Governante ne’e haktuir nia parte esplika ona ba Xefe Governu katak, MOP detekta ona kabiaun ne’ebé instala tuan ne’e, hetan estragus hodi halo be tama husi fatin lima ho ida ne’e mak halo komunidade sira afeita ba inundasaun.

“Agora dadaun ita prepara hela  dezeñu iha tempu badak sei halo konstrusaun ba drainazen foun, hodi prevene inundasaun ne’ebé akontese iha udan hodi labele estraga komunidade iha suku manleuana uluk ita instala uluk bronjon maibe hetan ona estragus entaun be tama ba fatin lima, no agora tekniku prepara hela atu halo konstrusaun moru detensaun hodi tahan bee atu labele tama iha komunidade nia hela fatin, atu nune’e bainhira udan bot komunidade sira labele afeita inundasaun” nia subliña

Orsamentu ne’ebé atu halo konstrusaun ba moru detensaun ne’e ekipa MOP sei halo levantamentu de dadaus depois hetan ona relatoriu hafoin bele hatene montante orsamentu. Cin

 


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker