GMN TV Politika Naimori: Líder nasionál la simu malu, povu kontinua sai vítima ■KHUNTO prontu ba opozisaun

Naimori: Líder nasionál la simu malu, povu kontinua sai vítima ■KHUNTO prontu ba opozisaun

Konselleiru másimu Partidu Kmanek Haburas Unidade Nasional Timor Oan (KHUNTO), José dos Santos Naimori ‘Bukar’ husu ba lider nasionál sira atu hakotu ona impase politíku ne’ebé oras ne’e akontese iha rai-laran, tanba bainhira laiha solusaun povu mak kontinua sai vítima.

José do Santos Naimori ‘Bukar’, mos husu ba líder nasionál sira atu rona malu no simu malu hodi rezolve impase polítiku ne’ebé akontese, tamba lakohi simu malu no rona malu povu mak sei kontinua sai vítima.

“Ita hotu haree ba situasaun polítika rai-laran, ita-nia líder nasionál sira sei kompletu, hanesan Prezidenti Repúblika, orgaun soberanu haat, eis Primeiru Ministru Kay Rala Xanana Gusmão, Primeiru Ministru Taur Matan Ruak, eis Prezidenti Repúblika, José Ramós Horta no líder nasionál sira seluk tur hamutuk  oinsa mak sira bele fó moris diak ba povu nune’e mós povu bele moris hakmatek no fó opiniaun ba malu hodi bele hadia povu ida ne’e nia moris, tamba problema ne’ebé dadaun ne’e akontese laos problema líder sira nian maibé ne’e problema povu nian, tamba ne’e presija buka solusaun ne’ebé diak, hakbesik aan ba Xefe Estadu hodi husu opiniaun ne’ebé diak hodi resolve situasaun ida ne’e, se ita lakoi simu malu no rona malu povu mak sei sai vítima, ne’e hatudu líder sira lakoi kuidadu nia povu, no ita lakoi povu sira atu moris iha situasaun ne’ebé hakmatek,”hateten, José do Santos Naimori ‘Bukar’, ba GMN iha nia rezidensia Manleuana, Segunda (27/01/2020)

Naimori ‘Bukar’ fundamenta, partidu KHUNTO nafatin fó apoiu ba governu hodi hala’o nia servisu to’o remata no nafatin refórsa servisu governu atu bele servi nafatin povu.

“Hanesan Primeiru Ministru Taur Matan Ruak, nia mós iha dignidade iha orgaun ida, se deputadu sira halo nune’e (vota Kontra-Red) hatudu hamonu Primeiru Ministru ho emósaun nia tenki ko’alia, katak AMP laiha ona maibé husu atu povu iha nafatin esperansa ne’ebé diak ba PM hodi buka solusaun ne’ebé di’ak” afirma Naimori Bukar.

Nune’e mos, Konselleru másimu partidu KHUNTO, José do Santos Naimori ‘Bukar’ iha esperansa bo’ot ba Prezidente Repúblika Francisco Guterres Lú Olo, hakotu impase polítiku ne’ebé oras ne’e dadauk akontese iha rai laran ho diak.

Ho nune’e, konseleiru másimu partidu KHUNTO, José do Santos Naimori Bukar, husu ba xefi estadu Francisco Guterres Lú Olo, atu fóti desizaun tuir xefi estadu nia kompetensia ne’ebé konsagra ona iha konstitusaun Repúblika Demokratika Timor-Leste (K-RDTL), artigu 86.

Maibe, tuir Naimori ‘Bukar’ baihira prezidenti repúblika Francisco Guterres Lú Olo fóti desizaun ba elisaun antisipada (EA), primeiru tenki haree lai situasaun dadaun ladun grave, bainhira situasaun ne’e grave tebes.

“Xefi Estadu tenki fóti desizaun tuir ninia kompetensia ne’ebé konsagra ona iha konstituisaun RDTL artigu 86, maibé ita hotu hein katak PR iha hanoin ne’ebé diak hodi resolve situasaun polítikua dadaun ne’e,” afirma,  José do Santos Naimori Bukar.

Naimori hateten, polítika sempre iha mudansa ohin no aban la hanesan, saida mak presiza hasoru no saida mak labele hasoru, sé bainhira xefi estadu, halibur partidu polítiku hotu hodi fórma governu ou fó ba segundu mais votadus hodi fórma governu.

“KHUNTO sai opozisaun iha governu fóun, KHUNTO prontu, no envolve aan iha governu mós KHUNTO prontu, tamba partidu ne’ebé envolve aan iha polítiku hodi refórsa governu ida hodi hadia povu nia moris se ita hadok aan hotu husi unidade nasionál ita sei la fó moris diak ba povu tamba ne’e KHUNTO pronto hein desizaun saida deit mak atu mai.”dehan nia.

Naimori hatutan, ho situasaun polítika ne’ebé akontese KHUNTO iha motto fóun hodi fó sai ba públiku katak, KHUNTO ne’e hahoris no moris, tanba ne’e KHUNTO prontu simu desizaun husi Prezidente Repúblika.

“Ha’u hasoru malu ona ho Primeiru Ministru Taur Matan Ruak, nia hateten dalan sei iha hodi resolve situasaun polítika, tamba ne’e la’os problema líderansa nian maibé ne’e povu nia problema, tamba ne’e mak ita tur hamutuk oinsa mak bele rezolve situasaun ida ne’e,” subliña, Naimori ‘Bukar’.Cin


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker