GMN TV Politika OJE 2020 sumba iha PN, Olinda : KHUNTO ladauk iha komunikasaun ho CNRT

OJE 2020 sumba iha PN, Olinda : KHUNTO ladauk iha komunikasaun ho CNRT

0 views

Foto: ScreenShoot Fontes Youtube

Deputada bankada Kmanek Haburas Unidade Nasional Timor-Oan (KHUNTO), Olinda Guterres, hateten, hafoin diskusaun Orsamentu Jerál Estadu (OJE) tinan 2020 ho montante billiaun USD 1.668 la pasa iha Parlamentu Nasionál (PN), KHUNTO ladauk iha komunikasaun ho partidu CNRT.

“Hafoin   OJE sumba iha PN, ami seidauk iha liña komunikasaun ba malu entre partidu KHUNTO ho partidu CNRT, maibé ami entrega ba konselleiru máximu partidu KHUNTO, José dos Santos Naimori Bukar tuur hamutuk hodi ko’alia”, Deputada bankada KHUNTO ne’e ba jornalista sira iha PN, Kinta (23-01-2020).

Olinda subliña, konselleiru máximu KHUNTO, Naimori Bukar ne’e hanesan Prezidente partidu PLP atual Primeiru Ministru (PM), Taur Matan Ruak ho Prezidente partidu CNRT, Kay Rala Xanana Gusmão nia alin no bei-oan.

Nune’e ho situasaun impase politíku ida ne’e, espera katak, Xanana Gusmão sei konvoka reuniaun ruma, hodi hakotu tiha situasaun ida ne’, tanba sei iha tempu atu buka malu.

“Estadu ida ne’e labele garante ho orsamentu duodésimu, ho OJE la pasa ne’e,  membru deputadu sira ne’e di’ak, tanba fulan to’o simu osan, maibé povu defísil atu hetan osan, sira fa’an produtu lokál mós la folin, tanba ema laiha atu sosa. Povu nunka tane liman ka husu osan mai deputadu sira iha PN no membru governu sira, hodi sustenta sira-nia família, maibé povu nia hakarak mak dezenvolvimentu, edukasaun, saúde, bee moos no eletrisidade, sira-nia direitu mak ida ne’e, la’os ita atu fó osan ba sira“, tenik Deputada bankada KHUNTO ne’e.

Entretantu bainhira jornalista sira tenta halo konfirmasaun ho deputadu CNRT iha PN, maibé sira lakohi fó komentáriu.

Proposta OJE 2020, ne’ebé Xefe Governu, Taur Matan Ruak aprezenta iha Parlamentu Nasionál (PN), iha faze jeneralidade durante loron tolu (3), hahú husi loron 15 to’o loron 17, fulan ne’e.

Maibé OJE ho montante billiaun USD1.668 ne’e tenke sumba iha PN, ho votus, kontra 15, afavór 13 no abstensaun 25 maioria husi deputadu bankada CNRT. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker