GMN TV Politika OJE la passa deputadu CNRT taka ibun ba média KHUNTO du’un CNRT mak hamate povu TL

OJE la passa deputadu CNRT taka ibun ba média KHUNTO du’un CNRT mak hamate povu TL

0 views

Relasiona ho proposta Orsamentu Jerál Estadu (OJE) tinan 2020 ne’ebé la passa iha Parlamentu Nasionál (PN), tanba deputadu bankada CNRT fó votus abstensaun no kontra, hodi halo situasaun sai baralla liutan,

Ho situasaun ne’e, GMN tenta bebeik atu halo intrevista ho deputadu sira husi bankada CNRT, kona-bá asuntu ne’e, maibé deputadu sira husi CNRT lakohi atu fó komentáriu ba media, relasiona ho situasaun polítika atual ne’e.

Iha Kinta (23/01), GMN tenta halo intrevista ho deputadu Adérito Hugo , kona bá asuntu polítika rai laran, maibé nia parte lakohi fó komentáriu, tanba konsidera, desizaun ikus iha Palásiu Prezidensial Nikolau Lobato, inklui líder másimu sira nian.

“Ha’u labele fó resposta ba ida ne’e, ha’u so ko’alia de’it asuntu ne’ebé komisaun nian, liga ho asuntu seguransa, defeza no negósiu estranjeirus de’it, maibé asuntu polítika ho deliverasaun sira ne’e hotu, ita bo’ot sira bele ba de’it iha partidu mak bele fó resposta, tanba buat hotu ne’ebé akontese iha korrespondensia sira ne’e, tuir liña polítika partidu ida-idak nian, no aliansa ida-idak ninian, ne’eduni ha’u labele fó resposta ba ida ne’e, tanba ha’u laiha kompetensia ba ida ne’e, asuntu so ko’alia ba líder partidu sira”, tenik Hugo ba jornalista sira iha PN, Kinta (23/01/2020).

Iha fatin hanesan, deputada bankada KHUNTO, Olinda Guterres konsidera, CNRT lakohi povu atu moris di’ak, tanba ne’e fó votus abstensaun ba nia orsamentu rasik.

Deputada ne’e mós hateten, to’o agora depois de OJE sumba iha PN, seidauk iha komunikasaun ba malu entre bankada tolu CNRT, PLP no Khunto iha Aliansa Mudansa ba Progresu (AMP) nia laran.

“Osan tuir loloos tenke aprova, tanba ita kaer ukun ne’e, ita nia governu ita tenke fó apoiu, para osan bele passa, maibé agora kolega sira lakohi ita-nia povu moris di’ak, se mak hamate ita-nia povu ne’e CNRT, ita kontra OJE ne’e ita kontra ita nia povu, tanba reprezenta povu. Durante ne’e ami seidauk iha komunikasaun ba malu, maibé ami nian entrega ba konselleiru másimu partidu Khunto nian mak deside, bainhira mak atu buka malu hodi ko’alia, maibé liu-liu mak maun boot Kay Rala Xanana Gusmão oinsa bele buka malu hodi konvoka reuniaun para rezolve ona situasaun, tanba sei iha tempu, nune’e labele haterus bebeik povu, tanba povu presiza liu mak edukasaun, saúde, bee moos, eletricidade no estrada, povu la’os atu mai husu osan direita ba ita deputadu sira no governu”,tenik Deputada Olinda.

Antes ne’e, deputadu sira husi bankada FRETILIN, ezije bankada CNRT atu responsabiliza nia aktu, tanba halo proposta OJE 2020 sumba iha Parlamentu Nasionál, maske deputadu sira husi bankada FRETILIN rasik mós  fó votu kontra no abstensaun ba Orsamentu Jerál Estadu refere.say


Banner

Foto

Notisia Ikus

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...

Projetu-Lei Responsabilidade PR inkonstitusionál, PN la konkorda desizaun TR

June 29, 2022
Prezidente Komisaun A, Deputadu Joaquim dos Sant...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker