GMN TV Politika OJE sumba iha PN, FRETILIN : Polítiku sira hasa’i desizaun ho arogante

OJE sumba iha PN, FRETILIN : Polítiku sira hasa’i desizaun ho arogante

0 views

Vise Xefe bankada FRETILIN, Francisco Miranda Branco, konsidera, desizaun bankada CNRT vota abstensaun no kontra ba Orsamentu Jerál Estadu (OJE) tinan 2020 iha faze jeneralidade, ne’e nu’udar desizaun arogante no emosionál, tanba la hanoin Estadu no nasaun nia moris.

Situasaun polítika ne’ebé bankada governu ópta, hatudu polítika la di’ak no laloos, tanba konflitu ne’ebé akontese iha koligasaun la konsege rezolve, maibé dada tama fali ba iha interese nasaun no Estadu.

Ho ida ne’e, obrigadu tenke uza orsamentu duodésimu, hodi sustenta mákina Estadu.

“Ita moris iha akontesementu moris ho orsamentu duodésimu iha repetisaun iha tinan 2017, ne’ebé VII governu aprezenta nia programa ne’ebé opozisaun lidera husi CNRT vota kontra programa governu no la pasa, nune’e Estadu obrigadu moris ho sistema duodésimu no tinan 2020 mós kontinua akontese nafatin”, Vise Xefe bankada FRETILIN ne’e ba GMN iha Parlamentu nasionál (PN), Tersa (21-01-2020).

Tanba ne’e, Francisco hateten, loloos ne’e bainhira mosu konflitu iha koligasaun, tenke aruma di- di’ak, nune’e labele afeta fali ba OJE, hodi da’et ba ekonómia Estadu no povu nia moris.

“Ho situasaun ne’e fó impaktu ba dezenvolvimentu nasionál, tanba ita hatene úniku fonte orsamentu no ekonómia mós mai husi OJE, ita-nia setór privadu rasik seidauk iha kapasidade atu hala’o ekonómia nasaun ni’an, tanba depende ba fonte ida deit mak OJE”, subliña Vise Xefe bankada FRETILIN ne’e.

Relasiona ho kestaun ne’e, GMN tenta konfirma ho bankada CNRT, maibé deputadu balun ne’ebé mak marka prezensa iha PN ne’e, rezeita fó kementáriu.

Antes ne’e Primeiru Ministru (PM), Taur Matan Ruak, hateten, AMP la eziste ona, tanba deputadu CNRT rasik mak sobu koligasaun AMP no nia sei kontinua PM, wainhira seidauk iha PM foun.

Nune’e mós, Prezidente Repúblika (PR), Francisco Guterres “Lú Olo”, liu husi Xefe Kaza Sivíl, Francisco de Vasconselhos, hateten, iha semana ne’e nia-laran sei hasoru malu ho partidu polítiku sira ne’ebé hetan asentu iha PN no mós entidade relevante sira, hodi rona sira nia opiniaun, antes foti desizaun ba impase polítiku ne’ebé akontese iha rai laran. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker