GMN TV Politika PD: Inkonsisténsia líder AMP afeta ba dezenvolvimentu nasionál

PD: Inkonsisténsia líder AMP afeta ba dezenvolvimentu nasionál

0 views

Deputadu opozisaun PD, Adriano do Nascimento konsidera, lideransa koligasaun Aliansa Mudansa ba Progresu (AMP) ne’ebé kompostu husi partidu CNRT, PLP no KHUNTO, ne’ebé kaer governasaun da-ualu, inkonsistensia iha polítika hodi halo jestaun ba governasaun no afeta maka’as ba prosesu dezenvolvimentu nasionál.

“Líder AMP hatudu inkonsistensia iha polítika no dezorganizasaun iha governasaun, hodi jere administrasaun Estadu nian, tanba líder partidu PLP,CNRT no Khunto la koopera malu hodi halo konsentrasaun polítika iha prosesu elaborasaun programa no orsamentu ba 2020 nian, nune’e, hamosu impasse polítika iha PN, ne’ebé ikus mai laiha maioria parlamentár ne’ebé defende  governu nia polítika. Tanba ne’e, OJE 2020 tenke fó fila ba governu hodi hadía, aktus husi rezeisaun ne’e, demokratikamente korretu, maibé polítikamente kestionadu, no moralmente in-apropriadu, tanba, OJE fó fila ba governu hamosu ona konfuzaun iha públiku, hatudu ona inserteza polítika, hamihis konfiansa povu ba Estadu, no prezudika ona prosesu dezenvolvimentu nasionál, tanba  funsionamentu mákina Estadu sustenta de’it ho orsamentu duodésimu”,kestiona deputadu opozisaun ne’e, iha diskusaun OJE 2020 faze jeneralidade ba loron dahuluk nian iha PN, Kuarta(15/01/2019).

Polítiku ne’e mós kestiona, tanba komisaun revizaun orsamental ne’ebé halo kortes ba orsamentu husi instituisaun balun la análije didi’ak, hodi afeita ba servisu instituisaun nian.

Antes ne’e, iha aprezentasaun Orsamentu Jerál Estadu (OJE) 2020, iha faze dahuluk nian, deputada CNRT, Virginia Ana Belo ameasa vota kontra, tanba konsidera orsamentu ho montante bo’ot liu, ne’ebé kuaze billaun USD 1.950, inklui konsidera kolokasaun orsamentu latuir kategoria.

Nune’e, iha faze daruak mós iha indisíus atu vota kontra, tanba antes tama ba faze diskusaun OJE 2020 ba faze daruak, iha mós deputadu CNRT balun prefere halo remodelasaun uluk ba estrutura governu da-ualu, hafoin diskute OJE 2020, inklui kandidatu membru governu pendente ne’ebé maioria husi CNRT, seidauk simu posse, maske governu la’o kuaze tinan rua ona, no hela de’it tinan tolu ba mandatu VIII Governu nian.

Alende ne’e, observa mós katak, iha faze diskusaun faze dahuluk jeneralidade nian, deputadu husi bankada CNRT, kuaze ladun fó komentariu ba proposta orsamentu refere.say


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker