GMN TV Politika PLP la fó opsaun ba Xefi Estadu

PLP la fó opsaun ba Xefi Estadu

Partidu Libertasaun Popular (PLP), la fó opsaun ba Prezidente Republika kona-ba solusaun ba impasse politiku nebe nasaun nee infrenta hafoin OJE 2020 sumba iha Parlamentu Nasional.

Prezidente PLP interinu, Abrao Freitas “Mate Restu”, hatete PLP absolutamente apoiu, desizaun saida de’it mak Xefi Estadu sei foti.

 “Ita bo’ot sira akompaña iha semana kotuk liu ba, ita nia Orsamentu Jeral Estadu (OJE), tinan 2020 sumba iha Parlamentu Nasionál (PN), tamba ne’e mak Prezidenti Repúblika, iha loron tolu liu ba konvida PLP, mai hodi informa kona-ba situsaun aktual, liu-liu kona-ba OJE ne’ebé sumba, kompetensia tomak tuir konstituisaun RDTL absolutamente fó ba Prezidenti Repúblika, solusaun saida deit mak Xefi Estadu deside ami hotu iha partidu PLP konkorda no fó apoiu, ami laiha opsaun, maibé solusaun hotu entrega ba Xefi Estadu, no ami laiha preferensia ruma”,  hateten Prezidenti interino PLP iha Palasio Prezidensia,Sesta ( 24/01/2020).

Nia subliña, Xefi Estadu sei konvoka diálogo ho orgaun konsultativu no partidu polítiku sira seluk, liu-liu ba lider nasionál sira, hahú husi Xanana Gusmão, José Ramos Horta, Marí Alkatiri, Taur Matan Ruak no líder sira seluk,  no nia fiar katak, iha tempu badak hasoru malu ho Xefi Estadu, hodi buka solusaun ida ne’ebé di’ak no justu ba Timor nia ezistensia.

Abrão Freitas mos esplika plataforma AMP nia katak,  Partido tolu nebe forma AMP, CNRT, PLP no KHUNTO garante vota a favor ba programa, Orsamentu Estadu no lei estrurante sira husi governu, maibe CNRT vota abstensaun maka OJE sumba iha PN.

“Iiha tinan 2018 no 2019 OJE hetan aprovasaun iha PN, maibe foin dadaun, iha OJE 2020 nian hetan sumba, akordu klaru ona ne’e aliadu ida mak forma governu ne’e, ami nia pozisaun entrega fila fali ba Xefi Estadu, saida deit mak PR deside PLP prontu apoiu,dehan Abrào Freitas.

OJE 2020 ho motante billaun USD1.668 sumba iha Parlamentu Nasional iha votasaun ba Jeneralidade, tanba CNRT nudar membru AMP vota abstensaun nunee lahetan votus maioria ba OJE 2020 atu kontinua ba espesialidade.Cin


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker