Primeiru Ministru, Taur Matan Ruak, husu atu hadia lei hodi fó dalan ba emprezáriu sira lori governu ba Tribunál.
PM Taur koalia lia hirak neé relasiona ho divide ne’ebé Governu iha ba emprezáriu Timor-oan balun.
“Estadu deve sidadaun maibé sidadaun labele deve estadu, ne’e realidade, bainhira ha’u hasoru malu ho prezidenti Ha’u levanta kestaun ida ne’e, buat ida ne’ebé ha’u hanoin ita bele hadia lei hodi fó dalan ba emprezariu ou sidadaun sira, lori governu ba tribunál ita boot sira hatene ita iha kazu iha tribunál que propriu kompañia sira komesa hanoin ona lori ita ba tribunál, balun ba iha mediasaun maibé balun lori ita ba tribunál iha emprezariu balun ne’ebé mai koalia ho ha’u, ha’u enkoraja sira imi lori governu ba tribunál ha’u hanoin ne’e tempu ona hadia lei para fó dalan mós ba sira ida ne’e hodi evita propriu Estadu propotenti,” deklara, Primeiru Ministru, Taur Matan Ruak, iha parlamentu nasionál Kinta (16/01/2020).
Xefi Oitavu Governu ne’e dehan, kona-ba projeitu 143 ne’e Parlamentu Nasionál mós envolve laiha konkluzaun ida iha aprezentasaun relatoriu ba governu, maibé iha levantamentu lá hatene problemas saida mak impede hodi problema ne’e sei kontinua nafatin.
Se difikuldade ida iha se mak brani atu simu nia konsikuensia, iha baze legal karik iha problema legais, ne’e ezersisiu ida governu iha mós hanoin, iha reniaun ho liñas ministeriais enkoraja governante sira, hodi buka solusaun ba problema ne’e, to’o agora seidauk hetan solusaun ba problema ne’e, signifika katak la’os fasil.
Antes ne’e, ministra finansas interina, Sara Lobo Brites hateten, projeitu 143, governu halo ona pagamentu hamutuk projetu 95 no seluk sei iha prosesu.Cin
