GMN TV Politika PM Taur promete sei kontribui kreximentu ekonómiku ba 6,0%

PM Taur promete sei kontribui kreximentu ekonómiku ba 6,0%

0 views

Primeiru Ministru (PM), Taur Matan Ruak, promete Governu da-ualu sei esforsu hodi kontribui ba kreximentu ekonómiku ba 6,0% husi Orsamentu Jerál Estadu (OJE), tinan 2020 ho montante biliaun USD 1.668.

“Iha dezafiu balun ne’ebé kontinua lori husi 2018 ba 2019 no sei afeta ba projesaun kreximentu ekonomiku ,orsamentu jeral estadu 2020 prêve sei kontribui ba kreximentu ekonómiku ne’ebé forte ho taxa kreximentu 6,0 % dokumentu husi livru panorama orsamentál 2020 ne’ebé Governu aprezenta iha iha Parlamentu Nasionál” PM Taur Matan Ruak, hatete promesa ne’e, hafoin aprezenta proposta Orsamentu Jerál Estadu (OJE), tinan 2020 ba Parlamentu Nasionál (PN), Kuarta (15/01).

Eis Prezidente Repúblika atual Primeiru Ministru ne’e hatete, maske iha dezafiu balun  kontinua akontese iha tinan kotuk liu bá mai to’o agora hodi afeta ba projesaun kreximentu ekonómiku. Maibe nia parte dehan, iha tinan ne’e Governu nafatin tau orsamentu hodi kontribui ba kreximentu ekonómiku.

Tanba tuir Xefe Governu katak, kreximentu ekonómiku maka sai rendimentu ida ne’ebé bo’ot naton hodi to’o iha tinan 2030.

Eis gerileiru ne’e esplika, dezempeñu hirak ne’e atu estabelese kondisaun nesesária ba dezenvolvimentu ekonómiku sustentável ba tempu ne’ebé sei lidera husi setór privadu.

“Tuir livru panorama orsamentál kreximentu ekonómiku atu sai nasaun ho rendimentu mediu altu iha tinan 2030 ,presiza kreximentu ekonómiku la’os minarai ne’ebé forte no iha kualidade,investimentu públiku liu husi politíka fiskál antesipada iha periodú 2008 to’o 2018 rejulta ona ba media kreximentu ekonómiku 47 kada tinan”Taur informa.

Primeiru Ministru hatete,dezempeñu ne’e ho objetivu atu estabelese kondisaun nesesária ba dezenvolvimentu ekonómiku sustentável ba tempu ,ne’ebé sei lidera husi setór privadu ,kreximentu Produtu Internu Brutu (PIB) real ba tinan 2018 maka 0,8% sa’e kompara ho 3,8% iha tinan 2017.

Maske Timor-Leste hetan resesaun ekonómiku, maibe konsumu uma kain kontinua sa’e iha periodú resesaun ne’ebé indika katak, iha melhoramentu ba padraun moris povu nian.

Iha tinan kotuk, Primeiru Ministru, Taur Matan Ruak, wainhira aprezenta proposta Orsamentu Jerál Estadu (OJE) 2020, ba plenária Parlamentu Nasionál (PN) hodi hatete, VIII Governu kontinua esforsu liu husi planu asaun no orsamentál hodi hasa’e kreximentu ekonómiku Timor-Leste nian ba 7,2.Tos


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker