GMN TV Politika PN: GMN TV kualidade diak liu RTTL

PN: GMN TV kualidade diak liu RTTL

0 views

Deputada komisaun G, Gabriela Alves, hatete, kualidade Televizaun Grupo Média Nacional (GMN) di’ak liu, no fasil asesu ba populasaun sira iha teritóriu Timor laran tomak, kompara ho kanál Radio Televizaun Timor-Leste (RTTL) ne’ebé nu’udar kanál Estadu  nian, maibé difísil atu asesu iha área rural.

“Iha área rurais ne’ebé iha ami-nia rai ne’e, defisil tebes atu hetan rede komunikasaun, maibé ha’u la haree ita bo’ot (SEKOMS) nia planu ba ida ne’e, bainhira loos mak atu atende preokupasaun ida ne’e, tanba komunidade iha ne’ebá mós barak iha área rurais, ha’u haree nia fatin rasik iha Díli ne’e mós laiha kondisaun di’ak, tanba dalaruma ema balun ba entrevista ne’e, hatais kazaku didi’ak depois kehe aan lápara. Ne’eduni, ida ne’e instituisaun Governu nian, maibé kualidade sasán sira ne’e ladi’ak, kompara ho GMN ne’e moos liu, iha Díli laran no iha foho ne’eba ne’e, RTTL ne’e iha Díli laran de’it mós susar, ne’e tanba sa?”, kestiona deputada opozisaun ne’e, durante audiénsia entre komisaun G ho Sekretáriu Estadu  Komunikasaun Sosial, iha PN, Kuarta (08/01/2020)

Hatán ba preokupasaun ne’e, Sekretáriu Estadu  Komunikasaun Sosial (SEKOMS), Mericio Juvinal dos Reis Acara justifika, tanba kondisaun ekipamentu no edifísiu ne’ebé antiga, presiza halo manutensaun hodi garante kualidade informasaun ba sidadaun hotu-hotu iha territóriu TL.

Alende ne’e, ba reseitas, RTTL mós konsege iha ona reseistas balun, ne’ebé hodi fasilita atividade opersional nian, maske montante seidauk bo’ot, maibé presiza propoin tan orsamentu Estadu  hodi halo manutensaun ba ekipamentu no konstroe edifísiu.

“Kona-ba RTTL, ita iha edifísiu ketak ida, ho ajensia Tatoli, tanba ne’e ita prevê ho $6 milloens, ba RTTL ho Tatoli, fazeadamente tinan ne’e ita sei uza hodi harí edifisiu RTTL ho Tatoli ne’e, fatin ne’ebé atu harí iha Aimutin DIT nia sorin kedas. Teknikamente prosesu  la’o hela, estudu viabilidade sei lansa iha tempu badak, fulan Outubru hanesan ne’e bele lansa ona primeira pedra, hodi responde proekupasaun deputadu sira nian ba kondisaun RTTL ho Tatoli nian, kona-bá kondisaun edifísiu ne’ebé ladun di’ak ona, no ekipamentus presiza halo manutensaun. Tinan ne’e, atu harí tan tore 6, para oinsa RTTL nia kanál bele asesu iha territóriu hotu-hotu, tanba dadaun ne’e, torre ne’e bele fó asesu ba 40% liu de’it, tanba ne’e mak governu asina ona kontratu para harí torre hodi fó asesu ba hotu-hotu”,hatán Mericio Acara.

Husi proposta Orsamentu Jerál Estadu   ba tinan 2020 ne’ebé ho montante billaun $1.668, governu propoin mós millaun $1 hodi sustenta atividade operasional RTTL,ep nian.

GMN TV ho kualidade High Definition (HD) hanesan televizaun privada ida ne’ebé foin harii iha tinan 2017, maibe nia espasu kobertura fó satisfasaun ba públiku hanesan deputada opozisaun ne’e mensiona no sente rasik.

GMN TV hanesan parte ida husi Grupo Média Nacional ne’ebé iha mos Online, Jornal (Jornal Nacional SEMANÁRIO no Jornal Nacional Díario), no mos Radio Nacional FM.Say

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker