GMN TV Politika PN hahú audiénsia ba proposta OJE 2020  31 Janeiru entrega ba PR

PN hahú audiénsia ba proposta OJE 2020  31 Janeiru entrega ba PR

0 views

Parlamentu Nasionál (PN), Ohin, Segunda (06/01) hahú Audiénsia Públika ba Proposta Lei foun Lei no.9/V (2a) Orsamentu Jerál Estadu (OJE) tinan 2020. Audiénsia Públika ba Proposta lei OJE 2020 ho motante billaun USD1,668 nee  durante loron lima, Segunda (06/1) to’o Sesta ( 10/01).

Hafoin audensia, komisaun sira elabora relatóriu pareser durante loron lima, nunee iha Tersa ( 14/01) Komisaun C sei aprezenta relatóriu ba meza Parlamentu Nasionál (PN) hodi hahu debate iha plenaria

Proposta lei OJE 2020 nee ho karater urjenti, nunee diskusaun no aprovasaun  ba jeneralidade nebe karakter normal loron 3 hamenus ba loron 2, no debate ba espesialidade loron 10 hamenus ba loron 8 deit hodi aprova final no global, hafoin konklui redasaun final haruka ba Prezidente Republika iha loron ikus fulan Janeiru nee.

 Oitavu Governu Konstitusional iha faze dahuluk,aprova proposta Orsamentu Jerál Estadu (OJE) Tinan 2020, Billaun USD1,950 ,liu husi reuniaun estraordinária, nunee submete ba Parlamentu Nasionál (PN), no hahú debate Dahuluk iha loron (2/12/2019).

Husi total Orsamentu ne’e, fahe ba kategoria saláriu no vensimentu hamutuk Millaun USD241,271,ba sasán no servisu , hamutuk Millaun USD738,428,ba transferénsia públika, iha Millaun USD457,773,nune’e mós ba Kapitál menór Millaun USD53,267 no ba Kapitál Dezenvolvimentu Millaun USD459,260.

Kona-ba prioridade, oitavu Governu nafatin tau atensaun ba iha saúde ho edukasaun,  liu-liu iha parte sosiál,no mós Agrikultura, Infraestrutura, ho konétividades Estrada, be’e no saneamentu.

Nune’e Governu avansa, ho total proposta Orsamentu ne’e, ba iha Parlamentu Nasionál (PN) atu hetan aprovasaun. Maibé debate loron daruak, iha faze Jeneralidade iha loron (3/12/2019) governu retira tiha proposta ne’e husi parlamentu, tanba hetan presaun polítika no ejijénsia husi parlamentu, ne’ebé la’os deit mai husi bankada opozisaun sira, maibé própriu bankada governu maka ameasa vota kontra no mós konsidera, artigu balun iha proposta orsamentu ne’e, deteta iha indisius balun.

Nunee Primeiru-Ministru,Taur Matan Ruak, obrigadu desidi tenke retira, Proposta Lei Orsamentu Jerál Estadu (OJE) 2020 ho razaun hakarak ajusta no akomoda preokupasaun deputadu sira nian, tantu husi Bankada Governu no Opozisaun, ne’ebé kestiona maka’as kona-ba montante osan ne’ebé mak bo’ot.

Maske dada hikas proposta orsamentu, maibé governu promote, lori hikas proposta ne’e ba, Parlamentu Nasionál (PN) ,iha loron (13/12/2019), maibé  Governu la konsege submete hikas Orsamentu Jerál Estadu (OJE), ne’e ba Parlamentu, tuir data ne’ebé determinadu.

Tanba ekipa ajustamentu ne’ebé lidera husi Ministru Estadu Prezidénsia Konsellu Ministru ,Agio Pereira, kontinua , konsulta ho ministériu sira, hodi kontribui ba redusaun Orsamentu Jeral Estadu 2020 nian.

Durante semana ida, Ekipa Ajustamentu orsamentu, konsege halo redusaun ba Orsamentu Ministériu sira nian, no elimana orsamentu RAEOA / ZEESM ne’ebé propoen iha Orsamentu Jerál Estadu (OJE) ,hamutuk $ 26 Milhões, tanba ho razaun RAEOA / ZEESM sei iha saldo hamutuk $ 27 Milhões.

Governu halo redusaun Orsamentu Jerál Estadu (OJE) 2020, hodi kumprimenta ejijénsia Parlamentu Nasionál (PN) no hare’e ba kapasidade ministériu nian ne’ebé la ,konsege ezekuta orsamentu ho másimu.

Ho nune’e orsamentu Jerál Estadu (OJE) 2020 husi billaun $ 1,950 ,reduz ba Biliaun $1,668.

Nune’e Governu liu husi Konselu Ministru, aprova hikas redusaun proposta Orsamentu ne’e, nu’udar proposta orsamentu Jerál Estadu (OJE) foun ba tinan 2020 , iha loron 19 , fulan Dezembru , tinan 2019.

Husi valór ne’e sei aloka ba saláriu no vensimentu $235,610, aloka ba Bens Servisu, 583,800 ba transferénsia públika $328,206, no mós aloka ba kapitál dezenvolvimentu $31,488,837.

Proposta Orsamentu Jerál Estadu (OJE) Foun 2020 Governu submete hikas ba Parlamentu Nasionál (PN) iha (19/12/2019) no  Parlamentu Nasionál (PN) sei hahú Audiénsia Públika iha segunda nee.Tos

 


Banner

Foto

Notisia Ikus

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker