GMN TV Politika PN preokupa komunidade sempre sofre ba inundasaun

PN preokupa komunidade sempre sofre ba inundasaun

0 views

Reprezentante povu iha uma fukun Parlamentu Nasionál (PN), preokupa ho situasaun iha Díli laran, tanba bainhira tempu udan komunidade sira hela iha sidade Díli balun sofre ba inundasaun, tanba ne’e governu presiza tau atensaun ba problema refere.

“Governu ida sa’e ida, seluk tun seidauk oferese situasaun garante komunidade moris iha sidade Díli la sofre ba situasuan hanesan ne’e, ema la barak, agora ita hakarak hatene medida saída mak atu halo, situasaun ida atu lori ajuda ruma ba atu rezolve situasaun ne’e”, Xefe bankada FRETILIN, Aniceto Guterres liu husi ninia deklarasaun polítika plenária, Segunda (27-01-2020).

Ho situasaun ida ne’e, governu iha obrigasaun tomak atu halo prevensaun, programa politíka ho medidas konkreta atu prevene ema labele mate bei-beik no povu labele sofre bei-beik ba inundasaun.

“Ho situasaun ne’e, bankada FRETILIN hatama karta ba meja PN atu hala’o debate urjénsia ho Ministru Obras Públika (MOP) relasiona ho inundasaun iha Díli laran, hodi husu kona-bá polítika atu halo prevensaun ba problema inundasaun”, tenik Xefe bankada FRETILIN ne’e.

Husi sorin seluk, deputadu PLP, Abel Pires da Silva, konkorda ho preokupasaun husi bankada FRETILIN, kona-bá iha tempu udan komunidade sira sempre sofre ba inundasaun.

“Ita Presiza atu halo prevensaun ministériu kompotente bele identifika área ne’ebé tama iha risku ba inundasaun, hodi hamoos valeta no bee dalan foun, atu evita inundasaun bainhira iha tempu udan. Atu halo prevensaun ba inundasaun agora dau-dauk ne’e mós di’ak, maibé atu labele akontese tan inundasaun presiza haree didi’ak, tanba komunidade maka sempre sofre”, tenik Abel.

Hatán ba preokupasaun ne’e, Ministru Reforma Lejislativa Asuntu Parlamentar (MRLAP), Fidelis Magalhães, hateten, esforsu ne’e governu halo tiha ona, maibé ne’e kompetensia MOP nini’an.

“Planu ba futuru informasaun ne’ebé ami hetan mákina husi institutu jestaun ekipamentu hala’o servisu la’os atu hasa’i lixu, maibé mós halo luan drainajen sira, tanba drainajen sira ne’ebé konstroe tiha ona, barak liu halo ho medida ne’ebé ki’ik, volume bee ho kapasidade boot. MOP trata empreza sira ne’ebé hala’o servisu hodi apoiu MOP hamoos drainajen no haluan drainajen, alende ne’e mós MOP uza mákina atu supa bee iha fatin ne’ebé volume bee boot liu. Ha’u konkorda ho intervensaun husi deputadu Aniceto Guterres kona-bá ordenamentu tama iha planu governu ni’an, ita iha realidade komunidade sira konstroe uma iha valeta leten, iha foho lolon tenke iha esforsu integradu, nune’e governu tenke haree duni”, tenik governante ne’e.

Entretantu udan boot akompaiña ho anin ne’ebé akontese foin la-lais ne’e,   hamosu inundasaun hodi estraga komunidade nia sasan, uma no hamate mós labarik feto ida iha área Audian-Díli. ety


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker