GMN TV Politika PPN:Orsamentu duodésimu la presiza liu husi PN ■Ohin hahú diskute OJE 2020

PPN:Orsamentu duodésimu la presiza liu husi PN ■Ohin hahú diskute OJE 2020

Prezidente Parlamentu Nasionál (PPN), Arão Noe Amaral, hateten, prosesu ba orsamentu duodésimu, la presiza liu husi Parlamentu Nasionál (PN) tan, tanba lei jestaun finanseira fó dalan hela ba governu atu hala’o prosesu ne’e no aprova rasik.

“Ida ne’e, tanba duodésimu ne’e reflete ba orsamentu tinan kotuk nian, importante labele liu duodésimal kada fulan,

Dentru de ida ne’e, governu iha kompetensia, maibé kuandu foti liu, ida ne’e mak PN iha kompetensia atu bele deside. Tanba saldo sei iha hela, sira (governu) la presiza informa mai, publika de’it, governu aprova no implementa, se orsamentu laiha mak governu tenke halo pedidu mai PN, para autoriza hodi bele foti osan, maibé normalmente iha fundu de rezerva, ne’e sempre iha, bainhira osan tun loos, governu tenke halo pedidu, para labele husik kofre mamuk, ida ne’e mak jestaun durante ne’e la’o”, afirma Arão Noe ba jornalista iha PN, Tersa(14/01/2020).

Noe konsidera,  ezekusaun OJE 2019 ne’ebé atinji to’o 84%, sufisiente, tanba laiha governasaun ida durante ne’e ezekuta to’o 100%,

Maibé importante mak balansu entre ezekusaun orsamentu, no kualidade husi ezekusaun refere.

“Importante ezekusaun ne’e kualidade, no tuir programa, ba ha’u ezekusaun nia persentajen ne’e la’os determinante, determinante mak ezekusaun ne’e ho kualidade, pagamentu ne’e tuir duni legalidade, se ita hakarak governu hasa’e de’it persentajen, halo de’it pagamentu to’o 100%, maibé laiha kualidade ezekusaun. Tanba ne’e mak iha fim do ano ne’e saldo sempre iha, tanba dalaruma projetu sira balun la konsege konklui iha tinan ne’e nia laran”,tenik Arão.

Orsamentu duodésimu ne’e, governu aprova iha loron 13 fulan ne’e, ho montante millaun 100 resin.

Governu aplika rejime duodésimal ne’e, tanba orsamentu jerál Estadu la tama iha vigor iha inísiu tinan finanseira nian, no rejime duodésimal ne’e rasik, atu permite de’it atividade normal Estadu nian, hanesan saláriu vensimentu no bens servisu.

Entretantu, diskusaun proposta Orsamentu Jerál Estadu (OJE) ba tinan 2020 ne’ebé ho montante billaun USD 1.668, hahú ohin, Kuarta 15 to’o loron 17 iha faze jeneralidade, no espesialidade sei hahú iha loron 20 to’o 30 fulan ne’e.say

 


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker