GMN TV Politika Rodolfo provizóriu lidera partidu UDT ■Pe. Guilhermino: La fasil troka Gilman nia fatin

Rodolfo provizóriu lidera partidu UDT ■Pe. Guilhermino: La fasil troka Gilman nia fatin

0 views

Partidu União Democrata Timorense (UDT) deside ona hodi nomeia Vise Prezidente, Rodolfo Henrique Aparício, asume knaar nu’udar Prezidente Em Exercício hodi asegura ba kongresu partidu nian ne’ebé sei hala’o iha fulan Fevereiru no Marsu, tinan ne’e.

Tuir Sekretáriu Jeral, Partidu UDT, Francisco David Xavier Carlos, maske partidu nia lideransa diak hanesan matebian Gilman Exposto dos Santos, laiha ona, maibe Partidu UDT sei lalakon iha futuru.

“Ita lakon ona lideransa diak ida maibé UDT sei la lakon iha future, ita sei sai nafatin ho komitmentu boot atu labaruk no kolen kontinua misaun polítika ne’ebé matebian husik hela ba ita hotu, enkoraja no husu ba udetista hotu lolo liman ba malu lori UDT ba oin sei sai forte liu iha futuru,”dehan, Francisco David Xavier Carlos liu husi konferénsia imprensa ne’ebé hala’o iha Sede UDT Farol, Sábadu (11/01/2020).

Relasiona ho falesimentu saudozu Gilman, nune’e liu husi enkontru extraordinária no konsultasaun diresaun nasionál sekretáriu ezekutivu kada munisípiu, orgaun juventude mane no feto nomeia Vise Prezidente, Rodolfo Henrique Aparício nu’udar prezidente em exercício bazeia ba estatutu UDT numeru 3 artigu 17.

Francisco esplika, kongresu partidu nian antes ne’e deside ona hodi hala’o iha fulan Dezembru 2019, maibé tanba ho atual prezidente partidu nia mate mak labele realiza iha momentu ne’ebá.

Pe. Guilhermino: La fasil troka Gilman nia fatin

Partidu União Democrata Timorense (UDT), selebra misa hamutuk ho membru sira hodi fó onra no selebra loron 40 ba matebian, Gilman Exposto dos Santos.

Durante misa, Padre (Pe.) Guilhermino da Silva liu husi omília hateten, matebian Gilman Exposto dos Santos remata ona nia peregrinasaun iha mundu, maibe la fasil ba nia belun no família sira atu bele buka ema seluk troka nia fatin.

“Akontesimentu ida ne’e ba ita sira ne’ebé koñese liu-liu ba oan sira hanesan akontesimentu ne’ebé monu tebes iha moris laran, basa ema ne’ebé ita koeñese ita hadomi no besik ho ita lakon husi ita nia leet no visaun no lakon husi ita nia moris hamutuk, hirak ne’e hotu halo ita laran mamuk no difiisil atu ense fila fali sr. Gilman nia fatin iha ne’ebá,” dehan Padre Guilhermino iha Igreja Motael, Sábadu (11/01/2020).

Padre Guilhermino husu, atu família no belun husi matebian Gilman bele simu ho laran luak hodi hein moris ida ne’ebé nai Maromak promete ona hodi moris hias iha kristu.

“Ita hein sei to’o tempu wainhira lalehan no moris foun mosu mai wainhira ita hasoru malu fali iha maromak nia reinu, jesus hatudu ba ita liu husi nia aan rasik hodi hatudu fali nia ne’ebé moris no mate moris hias husi mate hodi fo esperensa, maromak nia grasa sei halo ita moris fali, iha moris ida ne’ebé la nahas la iha rohan,” Padre selebrante ne’e fó sasin.

Hafoin selebra misa hamutuk membru Partidu UDT hamutuk ho família lori ai-funan ba kari iha matebian Gilman nia rate iha semitériu públiku Bekusi.

Gilman Exposto dos Santos ne’ebé antes ne’e asume knaar nu’udar Prezidente Partidu UDT, hakotu iis iha Hospital Nacional Guido Valadares tanba hetan atake kurasaun, iha loron 25 Novembru 2019.Ida


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker